Opozita do të rikthehet të protestojë para Bashkisë Tiranë. U bë me dije se demokratët do të mblidhen në orën 11:00 para bashkisë, ku do të kërkojnë dorëheqjen e kreut të Bashkisë Tiranë Erion Veliaj për dosjen 5D dhe për inceneratorin inekzistent të Tiranës
Kujtojmë që për protestën e sotme, kryetari i PD-së Sali Berisha bëri thirrje për pjesëmarrje masive.
“Garantoj shqiptarët se ligji dhe vetëm ligji, barazia para ligjit është qëllim madhor i programit të PD-së. Garantoj shqiptarët se forcë në botë që të mbajë në këmbë për një kohë të gjatë këtë diktaturë të urryer nuk ka.
Kombet kanë triumfuar gjithmonë mbi diktatorët, pavarësisht kush i ka mbështetur ata. Në ora 11, të gjithë tek Bashkia. Ta nxjerrim për zverku kryehajdutin e kryeqytetit, këtë monstër njerëzore që ka vjedhur qindra milionë euro qytetarëve shqiptarë.
Ta përzëmë nga Bashkia. Fitorja është e jona. Është radha jonë. Është radha jonë. Është radha jonë. Fitore, fitore, fitore!“, theksoi kreu i PD.
