Një apartament është përfshirë nga flakët mëngjesin e sotëm në Elbasan. Apartamenti që është përfshirë nga zjarri ndodhet në katin e dytë të një pallati në lagjen “Aqif Pasha”.
Nga informacionet paraprake mësohet se fillimisht vatra e zjarrit është shfaqur në ambientet e kuzhinës dhe më pas është përhapur në ambientet e tjera të apartamentit.
Flakët kanë marrë përmasa të mëdha dhe kanë dalë jashtë dritareve dhe ballkonit të apartamentit. Në vendngjarje kanë shkuar mjetet zjarrfikëse për të bërë të mundur vënien nën kontroll të zjarrit.
Paraprakisht dyshohet se zjarri është shkaktuar nga rrjedhja e gazit. Fatmirësisht nuk ka patur të lënduar.
