9 personat të cilët akuzohen për ndërtime të paligjshme në Ranën e Hedhun në Shëngjin kanë dalë këtë të premte para Gjykatës së Lezhës për vlerësimin e masave të sigurisë.
Në seancën e zhvilluar me dyer të mbylluar e cila zgjati rreth 4 orë, gjykata vendosi ndryshimin e mases së sigurisë për Pjetër Tucin nga “arrest në burg” në “arrest në shtëpi”. Ai dyshohet si përfituesi i pronës, teksa ishte i vetmi me masën “arrest me burg”.
Po ashtu togat e zeza kanë ndryshuar masat e sigurisë dhe për inxhinierët Luiza Bala dhe Hekuran Xhina nga “Arrest në Shtëpi” në “Detyrim Paraqitje”, ndërsa për ndihmës specialistin e Policimit në Komunitet në Shëngjin Martin Ndoka u vendos rikthimi i tij në detyre.
Ndërkohë ish Drejtori i Agjencisisë Shtetërore të Kadastres Gentjan Malotaj dhe dy ish shefat e legazimeve Artur Shabaku dhe Admir Maxhuni do të qëndrojnë me masen e sigurisë “Arrest në Shtëpi”.
Po ashtu u la në fuqi dhe “Ndalimi për të dalë jashtë shtetit”, për veprën penale “Shpërdorimi i detyrës” për dy ish Drejtuesit e Inspektoriatit të Mbrojtjes së Territorit në Lezhë Flori Gjini dhe Kol Malaj.
Shtetasit e mësipër akuzohen për veprat penale “Ndërtim i paligjshëm”, “Falsifikim i vulave, stampave ose formularëve”, “Falsifikim dokumentesh” dhe “Shpërdorim detyre”.
Ata dyshohet të jenë implikuar në një rast të ndërtimit të paligjshëm, në zonen e Ranës së Hedhur në Shëngjin, ku hetimet e prokurorisë zbuluan se janë kryer ndërtime pa leje dhe në pas janë legalizuar në kundërshtim me ligjin.
Deri në këtë fazë hetimesh janë vënë nën sekuetro kater objekte dhe veprimet e prokurorisë po vijojnë për dokumentimin e rasteve të tjera të kësaj natyre në zonen turisike të Shëngjinit.
