Deputeti demokrat Tritan Shehu u shpreh në seancën plenare se po bëhet grusht shteti duke mos lejuar deputetët e padënuar për të hyrë në seancë.
Ai u shpreh se deputetët po bllokohen nga garda e nuk po lejohen të jenë pjesë e punimeve të seancës, ndërsa shton se që nga viti 1991, kjo nuk ka ndodhur.
“Kjo që po ndodh është grusht shteti. Ato që janë atje janë të padënuar dhe Garda nuk i lejon, Të vendoset rendi ushtarak. Zbatoni rregullat. Nuk ka njeri në botë të bllokohen deputetë, edhe në momentet më të vështira.
Ju e shkatërruat Kuvendin, ju e rrënuat. Duke filluar me arrestin e zotit Berisha dhe moslejimin e deputetëve në sallë. Kjo është shkelje e rëndë e demokracisë. Merrni masat zonja kryetare. Zoti ministër shkoni atje dhe disiplinoni efektivët tuaj.“- deklaron Shehu.
