Kolegji i Posaçëm i Apelimit, KPA shpalli të martën më 15 tetor vendimin për lëninen në fuqi të shkarkimit nga detyra të prokurorit të Tiranës, Artan Lulaj. Vendimi u morn ë mënyrë unanime nga trupa e KPA e kryesuar nga Sokol Çomo, me relatore Ina Rama dhe anëtare Albana Shtylla, Mimoza Tasi e Natasha Mulaj, pas shqyrtimit në dhomë këshillimi të ankimit të Lulajt kundër vendimarrjes së Komisionit të Pavarur të Kualifikimit, KPK që e largoi atë nga detyra.
Lulaj u shkarkua prej KPK më 13 janar 2022 për probleme në kriterin e pasurisë dhe në vlerësimin tërësor u çmua se kishte cënuar besimin e publikut tek drejtësia. Për pastërtinë e figurës ai u vlerëzua pozitivisht.
Artan Lulaj e filloi karrierën në sistemin e drejtësisë në vitin 2001. Ai punoi si prokuror në Prokurorinë e Përgjithshme si dhe në ish-Prokurorinë e Apelit për Krime të Rënda, përpara se të transferohej në Prokurorinë e Rrethit Gjyqësor Tiranë në vitin 2015, ku e ushtroi funksionin deri në momentin e shkarkimit.
