Sot arriti në bregdetin e Shëngjinit edhe anija me 16 emigrantët e parë që do të vendosen përkohësisht në Kampin e Gjadrit, në Lezhë, që shënon dhe fillimin e një bashkëpunimi Rama-Meloni.
Këta të fundit u pritën me protesta ku në krye ishte aktivistja Arilda Lleshi u shpreh se këto kampe nuk funksionojnë dhe se e gjitha kjo është një propagandë e qeverisë Italiane.
Lleshi tha se lufta e tyre është të nxjerin të vërtetën se si këto kampe do të shkelin të drejtat e njeriut dhe se si po luhet me fatet e njerëzve.
“Ne mendojmë që do të jetë logjistikisht shumë i vështirë për tu realizuar, e dyta që do të ketë shkelje të të drejtave të njeriut. Është e pamundur që aplikimet për azil te procesohen për 30 ditë. Nëse kjo periudhë kalon, ata nuk mund të mbahen të burgosur aty sipas ligjit europian.
Më shumë mundësi kjo do të ndodhë duke shkelur të drejtat e tyre, ajo që ne do duhej të bënim si aktivistë shoqërisë civile si media është të gjejmë mënyrat se si ti aksesojmë këto kampe dhe të nxjerim në pah pikërisht këtë. Këto kampe nuk funksionojnë, që kjo ishte një propagandë e qeverisë italiane dhe një lojë më fatët e njerëzve.
Ti nxjerim këto kampe si jo praktike dhe kundra të drejtave të njeriut. Duke e kritikuar marrëveshjen në këtë mënyrë mendoj që në një farë pike do të tërhiqen”, tha Lleshi per Syri tv.
