Dy grabitje brenda dy ditësh janë regjistruar në qytetin e Korçës.
Autoritetet policore raportojnë se ditën e shtunë më 12 tetor ka kallëzuar shtetasi N. Th., se në dyqanin e tij, në lagjen nr. 1, Korçë, një shtetas i paidentifikuar, i ka marrë një shumë parash, duke e kanosur me një thikë.
Ndërsa ditën e diel, 13 tetor, shtetasi V. K., 71 vjeç, kujdestar në një kishë në fshatin Dardhë, ka kallëzuar se është vjedhur një shumë e vogël parash (monedha) nga arka e kishës.
Blutë e qytetit juglindor raportojnë se po punojnë për identifikimin dhe kapjen e autorëve të dy grabitjeve të mësipërme.
