Kryeministri Edi Rama ka dhënë një intervistë për agjencinë e lajmeve “Reuters”, ku ndër të tjera është pyetur dhe mbi artikullin e publikuar se brenda qarqeve të qeverisë gjermane shihej me interes marrëveshja mes Italisë dhe Shqipërisë për kampet e refugjatëve si një prej modeleve më të mira për t’u ndjekur.
Rama përjashtoi çdo mundësi që të ketë një marrëveshje të ngjashme me atë të Italisë për refugjatët me shtete të tjera në Bashkimin Europian. Ai deklaroi se Gjermania duhet të gjejë një partner tjetër.
Edi Rama: Gjermania duhet të gjejë një partner tjetër, sepse Shqipëria ka krijuar një marrëveshje me Italinë dhe Shqipëria nuk mund ta bëjë këtë me të gjithë. Dhe nëse Gjermania gjen një partner tjetër në rajon, do të ishte mirë të shihej nëse funksionon në të njëjtën mënyrë.
