Policia ka arrestuar një 30-vjeçar i cili qarkullonte i armatosur në zonën e Laprakës në Tiranë.
I riu me iniciale K. K., mësohet se ndodhej pasagjer në mjetin tip Audi që drejtohej nga shtetasi me iniciale Xh. S..
“Në Laprakë, shërbimet e Policisë kanë ndaluar një automjet tip “Audi” me drejtues shtetasin Xh. S., dhe pasagjer shtetasin K. K. Gjatë kontrollit të çantës së shtetasit K. K., shërbimet e Policisë gjetën dhe sekuestruan, në cilësinë e provës materiale, një armë zjarri pistoletë me 2 krëhra dhe municion luftarak”, raportoi policia.
30-vjeçari, banues në Tiranë, akuzohet për veprën penale “Mbajtja pa leje dhe prodhimi i armëve, armëve shpërthyese dhe i municionit”.
