E shtuna dhe e diela e kësaj jave pritet të jenë me mot të mirë, të ngrohtë dhe pa reshje shiu.
Kështu bën të ditur Shërbimi Meteorologjik Ushtarak. Për fundjavën që presim përpara vendi ynë do të ndikohet nga kushte atmosferike të qëndrueshme për shkak të depërrimit të masave ajrore të thata dhe më të ngrohta me origjinë jugore (depërtimi i pazakontë i Anticiklonit Afrikan).
Në këtë mënyrë moti parashikohet për të dyja ditët kryesisht i kthjellët e vranësira kalimtare të cilat do të jenë më të theksuara në relievet malore dhe kryesisht në orët e para të mëngjesit dhe në mbrëmje.
Era do të fryjë me drejtim kryesor nga kuadrati i veriut me shpejtësi mesatare 1-7m/s ndërsa hera-herës ajo pritet të bëhet relativisht intensive deri dhe në 14m/s kryesisht përgjatë vijës bregdetare dhe zonat luginore.
