Ermir Gjinishi, pedagog Instituti i Studimeve Evropiane thotë se me inaugurimin e xhamisë së Namazgjasë nga Presidenti turk, Rexhep Taip Erdogan, Shqipërinë e rimori turku.
Në emisionin “Zonë e Lirë”, ai tha se një objekt kulti i cili ka 30 vjet që duhej të ndërtohej, pas shumë peripecive e mori përsipër shteti turk, pas marrëveshjes së Komunitetit Mysliman Shqiptar me palën turke dhe refuzonte të dorëzohej, pasi Erdogan akuzonte krerët e KMSH si gylenistë.
Sipas tij, përballë kësaj situate zgjidhjen e mori shteti shqiptar dhe se Kryeministri shqiptar vendosi të identifikohej me flamurin turk.
Gjinishi deklaroi se kur politika fut duart në institucione fetare nuk duhen pritur kurrë rezultate pozitive.
Myftiu i Tiranës u emërua para dy tre muajsh, por me zgjidhjet që po bën Rama me Erdoganin po iu imponon shqiptarëve një lloj vasaliteti.
Erdogan është në luftë me gylenistët dhe Rama solli luftën në Shqipëri. Krerët e KMSH nuk ishin në inaugurim, edhe pse xhamia është pronë e KMSH.
Janë 800 xhami të bëra në Shqipëri me donatorë të huaj, ke parë ti të administrohen nga shtet i huaj?
Në marrëveshjen fillestare nuk është cilësuar si do jetë forma e administrimit. Turqia është sponsorizues, jo administrues.
A do pranonte Turqia një xhami që të varej nga shteti shqiptar. Interesat e popullit tonë, ndryshojnë nga interesat e Turqisë, Arabisë Saudite etj.
Pas religjionit fshihen interesa të tjera. Rama po mundohet të fitojë vota, por i ka bërë llogaritë gabim.
Rama mendonte se duke hapur xhaminë do ishte flamurtari, por i bëri llogaritë gabim. Ky është keqpërdorim i fesë.
Ndërsa në inaugurimin e xhamisë munguan krerët e besimeve fetare ndërkohë që harmoninë fetare e promovojmë, në ceremoninë e së enjtes nuk u panë.
Marrëdhëniet ndërfetare kanë një protokoll shumë fin. Sabri Koçi kur ishte i moshuar çohej nga shtrati kur kishte festë.
Edi Rama shqiptarëve myslimanë iu mohoi pjesëmarrjen. Njeriun që ky e shpalli kreun e shtetit të vetëm tolerant në botë bektashi, Baba Mondi nuk ishte.
Rama iu përgjigj me vasalitet Stambollit. Këtu është Shqipëri, Rama po ndjek agjendën e Stambollit.
Në emër të nacionalizmit e ngre flamurin shqiptar në Athinë dhe shqyeu flamurin shqiptar dhe ngriti flamurin turk në mes të Tiranës.
