Analisti Andi Bushati, duke komentuar përurimin e xhamisë së Namazgjasë në Tiranë nga kryeministri Rama dhe presidenti turk, Erdogan, u shpreh në emisionin “Të Paekspozuarit”, se Turqia, prej ardhjes në pushtet të Erdoganit në 2002, i ka përdorur xhamitë si ekspansion për një politikë diplomatike në shumë vende të botës.
“Ka një detaj që tregon shumë. Po të shikoje sot fjalën e Erdoganit fliste për xhaminë dhe thoshte që kjo është një xhami e frymëzuar nga arkitektura otomane. Që nga vitit 2002 kur erdhi në pushtet Erdogani i ka përdorur xhamitë si ekspansion për një politikë diplomatike në shumë vende të botës. Është ajo fuqia e butë e Turqisë zhvillohet duke përhapur edhe xhamitë në vendet e ish-Perandorisë Osmane.
Nëse e mbani mend Edi Ramën kryetar bashkie ka patur një projekt për një xhami të arkitektes me famë botërore Zaha Hadid pas Pallatit të Kulturës dhe ai kthehet te projekti erdoganist. Artisti Edi Rama heq dorë nga projekti fillestar dhe zgjedh një xhami tipike otomane. Rama i ka bërë një koncesion Erdoganit”- u shpreh Bushati.
