Kuvendi i Republikës ka shtyrë seancën parlamentare që do të mbahej ditën e nesërme (e enjte, 10 tetor).
Burime për mediat konfirmojnë se Kuvendi ka njoftuar grupet parlamentare për shyrjen e seancës së nesërme, teksa ajo do të mbahet një ditë tjetër.
Ende nuk dihen arsyet, por ngrihen dyshime se seanca në Kuvend mund të jetë shtyrë për shkak të vizitës së Presidentit të Turqisë, Recep Tayyip Erdoğan.
Në axhendën e presidentit turk është edhe inagurimi i xhamisë së Namazgjasë, e cila ndodhet pranë Kuvendit dhe selisë së Partisë Demokratike.
PD kishte paralajmëruar tensione dhe kaos edhe në seancën e nesërme, në vijim e aksionit të saj për të mos lejuar normalitet në Kuvend, deri në plotësimin e kërkesave.
Nuk dihet nëse kryeministri Edi Rama ka urdhëruar shtyrjen e Kuvendit për shkak se nuk do që ditën që e viziton Erdogan të shfaqen edhe pamjet kur dhunohen deputetët opozitarë në kërkim të të drejtave të tyre, apo nuk ka gardistë mjaftueshëm që t’i ndalojnë deputetët e PD-së të futen në Kuvend.
Kuvendi ende nuk ka dalë me një njoftim zyrtar lidhur me anulimin e kësaj seance.
