Juristi Ylli Manjani ka komentuar refuzimin e komisionit “Xhafaj” nga institucionet e drejtësisë.
I fuar në News24, Manajni ka theksuar se situata aktuale e reformës në drejtësi kërkon një reflektim të thellë dhe analiza të plota.
“SPAK nuk bëhet më i mirë nëse arreston Veliajn apo Ramën, as nuk bëhet më i keq nëse i lë ata pa arrestuar. Pas 8 viteve që kanë kaluar nga reforma, kemi nevojë për një reflektim të thellë mbi atë çfarë duhet të bëjmë më mirë. Çdo shtet e bën këtë”, tha ai.
Ai theksoi se është i mendimit se ka nevojë për një ndërhyrje emergjente në reformën e drejtësisë, duke shtuar se reforma e bërë deri tani është vetëm në nivelin e personelit dhe se gjykatat janë boshatisur.
“Duhet të shtrojmë disa pyetje, sepse shteti ka nevojë për ndryshime dhe reflektime” theksoi Manjani.
Pavarësisht mosdakordësisë së tij personale me Fatmir Xhafajn, Manjani bëri thirrje që të mos bojkotohet ideja e reflektimit për reformën në drejtësi, duke theksuar rëndësinë e këtij procesi për përmirësimin e situatës aktuale.
