Deputeti i Partisë Demokratike, Arjan Ndoja, ka shprehur shqetësimin e tij lidhur me mënyrën se si është konceptuar dhe zbatuar reforma në drejtësi në Shqipëri.
Sipas tij, çdo reformë duhet të jetë e mirëmenduar dhe të ketë si qëllim përmirësimin e sistemit ekzistues.
Duke folur në Kuvend, Ndoja u shpreh se reforma aktuale ka pasur pasoja negative, veçanërisht në aspektin e burimeve njerëzore. “Për mua kjo është e gabuar. Reforma, në terminologji dhe në fjalor, nënkupton përmirësim dhe ndërhyrje në sistemin ekzistues. Unë shoh që kjo reformë nuk është e mirëmenduar,” tha ai.
Deputeti demokrat theksoi se janë goditur burimet njerëzore, duke sjellë pasoja në funksionimin e sistemit.
Ai shtoi se është tentuar të integrohen disa elementë nga Kodi i Procedurës Civile, por sipas tij, ato nuk po zbatohen në praktikë. “U tentua të sillen disa elementë të kodit të procedurës civile, por nuk zbatohen në parim,” përfundoi Ndoja.
“Për mua kjo është e gabuar. Pra reforma në terminologji edhe në fjalor thotë se reformë është përmirësim ndërhyrje në sistemin ekzistues. Unë shoh që kjo reforma s’është e mirëmenduar. Pra u goditën burimet njerëzore. U tentua të sillen disa element të kodit të procedurës civile por nuk zbatohen në parim.”, tha Ndoja.
