Kryedemokrati Sali Berisha ka folur për planin e Edi Ramës për të dhënë me 1 euro tokat në malet e Shqipërisë, duke e quajtur ‘paketa e maleve’.
Berisha shprehet se Rama po shkon si hajdut për të ngjallur armiqësi dhe vëllavrasje pasi kërkon të shpallë poseduesit si pronarë.
“Të dashur miq, përsëri kreu i krimit, në një aktet e para sapo erdhi në pushtet, anuloi ligjin në të cilin investimet në zona malore liheshin 8 vite pa taksa.
Dhe ai duke i parë këta banorë si armiq, e hoqi menjëherë këtë.
Investimet e tij në zonat malore nuk bëhen jo sa tuneli i Llogarasë, kurrën e kurrës, por as sa ka vjedhur ai në tunelin e Llogarasë.
Pas 11 vitesh, kryehajduti u kujtua paketën e maleve.
Dhe përsëri po shkon si hajdut sepse për të ngjallur armiqësi, kërkon të shpallë poseduesit pronarë.
Edi Rama, mos fut vëllavrasjen, larg duart.
Toka ka çmimin e tregut.
Toka ka çmimin e tregut.
Nuk je ti pronar i tokës së të tjerëve për pazaret e tua.
Hiq dorë!
U them atyre që duan të investojnë se 8 vite do i kenë të garantuara, por pronën e tjetrit mos e prekni.
Larg duart nga prona e tjetrit.
Nuk jemi shteti i hajdutëve, nuk jemi shteti i bandave, por jemi shtet i ligjit, i të drejtës dhe do ecim gjer në fund si të tillë.”- deklaron Berisha.
