Policia e Tiranës bën me dije se ka proceduar penalisht 23 deputetë të opozitës dhe i ka referuar materialet në Prokurorinë e Posaçme (SPAK) në lidhje me tensionet e shkaktuara ditën e djeshme në Kuvend.
Sekretari i Përgjithshëm i PD-së, Flamur Noka akuzohet për veprat penale “Shkatërrimi i pronës me zjarr” dhe “Goditjet për shkak të detyrës”, ndërsa kreu i grupit parlamentar të PD-së akuzohet për veprën penale “Goditjet për shkak të detyrës”.
Po ashtu, deputeti Bledion Nallbati akuzohet për veprën penale “Shkatërrimi i pronës me zjarr”, ndërsa 20 deputetë të tjerë akuzohen për veprën penale “Shkatërrimi i pronës”.
“Ditën e djeshme, gjatë zhvillimit së seancës plenare, në Kuvendin e Republikës së Shqipërisë, këta shtetas (deputetë në Kuvendin e Republikës së Shqipërisë) kanë kryer veprime të dhunshme duke dëmtuar foltoren e Kuvendit, kanë thyer një karrike dhe kanë hedhur në drejtim të Kryetares së Kuvendit dhe anëtarëve të kabinetit qeveritar, sende të forta (pjesë të karriges së thyer). Gjithashtu kanë djegur disa karrige, në ambientet e jashtme të Kuvendit të Republikës së Shqipërisë.” – thuhet në njoftimin e Policisë.
Partia Demokratike radikalizoi ditën e djeshme aksionin e saj në Kuvend, për mos lejimin e zhvillimit të seancave plenare, pas burgosjes së deputetit Ervin Salianji, duke e konsideruar dënimin si një hakmarrje politike të Edi Ramës dhe Fatmir Xhafajt.
Njoftimi:
Tiranë – Specialistët e Sektorit për Hetimin e Krimeve të Rënda në bashkëpunim me Komisariatin e Policisë Nr. 1 kanë referuar materialet në Prokurorinë e Posaçme kundër Korrupsionit dhe Krimit të Organizuar në ngarkim të shtetasve:
– Flamur Noka, 53 vjeç, banues në Tiranë, për veprat penale “Shkatërrimi i pronës me zjarr” dhe “Goditjet për shkak të detyrës”, parashikuar nga nenet 151 dhe 237 të Kodit Penal;
– Gazment Bardhi, 38 vjeç, banues në Tiranë, për veprën penale “Goditjet për shkak të detyrës”, parashikuar nga neni 237 të Kodit Penal;
– Bledion Nallbati, 39 vjeç, banues në Tiranë, për veprën penale “Shkatërrimi i pronës me zjarr” parashikuar nga nenet 151 i Kodit Penal;
– Dhurata Çupi (Tyli)., 51 vjeçe,
– Flamur Hoxha, 56 vjeç,
– Xhelal Mziu, 57 vjeç,
– Lefter Gështenja, 52 vjeç,
– Agron Gjekmarkaj, 50 vje
– Ina Zhupa, 37 vjeçe,
– Lindita Metaliaj, 47 vjeçe,
– Dashnor Sula, 59 vjeç,
– Luan Baçi, 61 vjeç,
– Ludovik Hasani, 57 vjeç,
– Agron Duka, 57 vjeç,
– Helidon Bushati, 51 vjeç,
– Erisa Xhixho, 39 vjeçe,
– Sorina Koti, 40 vjeçe,
– Saimir Korreshi, 43 vjeç,
– Edmond Spaho, 66 vjeç,
– Kasëm Mahmutaj, 62 vjeç,
– Vangjel Dule, 56 vjeç,
– Monika Kryemadhi, 50 vjeçe;
– Isuf Çelaj, 60 vjeç, të gjithë banues në Tiranë, për veprën penale “Shkatërrimi i pronës”, parashikuar nga neni 150 i Kodit Penal.
Ditën e djeshme, gjatë zhvillimit së seancës plenare, në Kuvendin e Republikës së Shqipërisë, këta shtetas (deputetë në Kuvendin e Republikës së Shqipërisë) kanë kryer veprime të dhunshme duke dëmtuar foltoren e Kuvendit, kanë thyer një karrike dhe kanë hedhur në drejtim të Kryetares së Kuvendit dhe anëtarëve të kabinetit qeveritar, sende të forta (pjesë të karriges së thyer). Gjithashtu kanë djegur disa karrige, në ambientet e jashtme të Kuvendit të Republikës së Shqipërisë.
Materialet i kaluan Prokurorisë.
