Shqipëria do të ketë shumë shpejt një mikro-shtet të ri brenda Tiranës, në stilin e Vatikanit. Bëhet fjalë për Shtetin Sovran të Urdhrit Bektashi, një mikroshtet për bektashinjtë të udhëhequr nga Baba Mondi për të cilin kryeministri Edi Rama ka folur në një intervistë për New York Times.
Lidhur me këtë, politologu Ilir Kalemaj në një intervistë për MCN tha se ky “mini-shtet” mund të jetë politikë pronësore për toka. Sipas tij, do të ketë shpronësime dhe ndërtime kullash me godina bektashije brenda, por Kalemaj nuk përjashton as opsionin se kjo deklaratë e Ramës mund të jetë për të tërhequr vëmendjen e shteteve të tjera.
-Kryeministri Rama deklaroi se dëshiron t’u japë bektashinjve, një ‘mini-shtet’ të stilit të Vatikanit si një mënyrë për të promovuar tolerancën fetare. Deklaratën e bëri për New York Times. Çfarë rëndësie ka për Shqipërinë ky plan i kryeministrit e bërë në këto momente dhe pse pikërisht bektashinjtë sipas jush?
Kalemaj: E para pse pikërisht NYT? Kjo mund të jetë politikë pronësore për toka, ku mund të bëhen kulla me godina bektashije brenda. Mund të jetë ky dimension… dhe mund të jetë dhe dimensioni që Rama duke qenë se veshjet e tij nuk janë më mënyrë për të tërhequr vëmendje përdor këtë.
–Lajmin e mësuam nga mediat e huaja. Mendoni se edhe këtë rast si për çdo vendim tjetër kryeministri nxori një skemë të vetën, pa e konsultuar më parë ?
Kalemaj: Absolutisht po, ky është efekti surprizë i Ramës. Qeverisje përmes sensacionit dhe simboleve është tipike e Ramës.
-Pasi tha se do të ngrejë një Vatikan për bektashinjtë në kryeqytet, Rama deklaroi : Mos lejoni që stigma e myslimanëve të përcaktojë se cilët janë myslimanet. Çfarë do të thotë kjo?
Kalemaj: Gjithë ai artikull është bërë për sytë e botës. Ai e bën këtë për të treguar që shiko sa ekstravagant jemi ne si shtet dhe çfarë tolerance kemi në vend.
-Ndërkohë në krye të Shtetit Sovran të Urdhrit Bektashi do të jetë Baba Mondi. U tha se nuk do të ketë ushtri, roje kufitare apo gjykata por do të ketë një shërbim të vogël inteligjence . Çfarë do të thotë, si mund të realizohet kjo gjë?
Kalemaj: Ushtri s’ka as Vatikani, nuk ka patur ndonjëherë…ama siguria e Papës është garda e Zvicrës. Normal që ka një polici sekrete, por Vatikani ka më pak se 500 qytetarë. Duhet parë sa qytetarë do ketë shteti i Baba Mondit dhe paratë e kujt do të përdorë. A do të ketë taksa apo jo? Ngelet për tu parë.
Më tej lidhur me deklaratën e ministrit të transporteve në Maqedoninë e Veriut se Shqipëria nuk do të hyjë kurrë në Bashkimin Europian, Kalemaj tha se Rama nuk është shprehur kurrë se ne nuk do të anëtarësohemi, përkundrazi ai ka thënë se jemi optimist se brenda 2030 do të jemi pjesëtare.
Kalemaj: Rama ka thënë të kundërtën, do të anëtarësohemi në 2030. Nuk e di ku e ka dëgjuar Nikoloski këtë. Përtej këtyre ne kemi mësuar përmes Ramës që ka thënë se ne jemi aty dhe optimist edhe nëse ju nuk doni. Qeveria e Re e Maqedonisë është duke marrë akte flagrante edhe për ligjet.
Për ata që edhe vetë Rama kur shkon i duken gjëra të reja këto sepse është më i fokusuar te batutat sepse si funksionon BE. Të gjithë e dinë që debati thellim apo zgjerimit të BE ka ekzistuar që në 1952. Sa e mundur ka qenë kjo në praktikë, Europa ka një dimension tjetër sesi është krijuar. Përsa i përket zgjerimit energji të caktuara nuk mund edhe të zgjerohet edhe të bëhet shtet federal edhe të tjerat. Në rastin çfarë ka ndryshuar vitet e fundit është e kundërta që ka një politikë më pro zgjerimit dhe kjo vjen si rezultat …Unionit i duhet zgjerimi. Jam skeptik që kjo do ndodh deri në 2030.
Ndërkohë lidhur me mirëpritjen që i bënë ushtarët amerikanë presidentes së Kosovës, Vjosa Osmani në West Poin, Kalemaj tha se stafi drejtues i institucionit ndoshta ka shërbyer në 99 në Kosovë.
Kalemaj: Kur e pash e bëra lidhjen me atë që kishte deklaruar Vjosa … kjo gjë dhe amerikanëve i bën të ndihen mirë. Stafi drejtues i West Point ndoshta ka shërbyer në 99 në Kosovë.
