Detaje të reja janë zbardhur në lidhje me skemën e vjedhjeve që 22 efektivët e njësisë për sigurinë e Autostradave kishin krijuar me qëllim zhvatjen e parave nga shtetas të huaj që kryenin shkelje të qarkullimit rrugor.
AMP mori indicie nga një shqiptar i Kosovës për gjobën që e kishte paguar, të cilën policët e shkruanin në procesverbal dhe kishin marrë paratë, duke mos i dorëzuar te financa.
Gjobat varionin nga 200 deri në 500 mijë lekë të vjetra, të gjithë për shtetas të huaj, por pjesa më e madhe nga Kosova.
Një prej efektivëve kryesor i përfshirë në skemë ishte Gramoz Dafku, i cili në atë kohë ishte shef i seksionit të qarkullimit për Rrugën e Kombit.
Vjedhja e gjobave dyshohet se ka ndodhur gjatë vitit 2023 dhe hetimet kanë zgjatur për rreth 9 muaj.
Agjencia e Mbikëqyrjes Policore ka lëshuar 22 masa sigurie për policët që kanë shpërdoruar postin e tyre të punës. Veprat penale të cilat dyshohet se ata kanë kryer janë “Vjedhje duke shpërdoruar detyrën” dhe “Shpërdorim detyre”.
Konkretisht, u ekzekutuan vendimet për masat e sigurimit personal:
Nën/komisar Krenar Molla – Arrest me burg
Inspektor Gasper Gjeta – Arrest me burg
Armand Shehu – Arrest me burg
Inspekor Ndoc Pjetri – Arrest me burg
Inspektor Armir Hallaçi – Arrest me burg
Inspektor Marjan Baloj – Arrest në shtëpi
Inspektor Kastriot Gjini – Arrest në shtëpi
Inspektor Gilbert Kapxhiu – Arrest në shtëpi
Inspektor Arsim Braha – Arrest në shtëpi
Komisar Gramoz Dafku – Detyrim paraqitje
Nën/Komisar Shuaip Gjuta – Detyrim paraqitje
Nën/Komisar Artan Pëllumbi – Detyrim paraqitje
Nën/Komisar Agron Nika – Detyrim paraqitje
Inspektor Zenel Axhami – Detyrim paraqitje
Inspektor Flori Xhelo – Detyrim paraqitje
Inspektor Ismail Petku – Detyrim paraqitje
Inspektor Gjovalin Tushaj – Detyrim paraqitje
Inspektor Gjelosh Laska – Detyrim paraqitje
Inspektor Flavio Ademi – Detyrim paraqitje
Inspektor Bardhok Çupi – Detyrim paraqitje
Inspektor Alfred Tushaj – Detyrim paraqitje
