Kreu i Partisë Demokratike, Sali Berisha ka deklaruar me bindje se është i preferuar i shqiptarëve.
Gjatë intervistës në ‘Opinion’, Berisha deklaroi se PD do t’i tregojë të gjithë botës se SPAK-u është një organizatë kriminale e cila i shërben Edi Ramës.
Pyetje: A mendoni se Rama është i preferuar i ndërkombëtarëve?
“Berisha është i preferuar i shqiptarëve, ndërkombëtarët të zgjedhin vetë sepse unë nuk flas në emër të tyre”, u përgjigj Berisha.
Pyetje: A vjen dot në pushtet PD me një lider “Non Grata”?
Përgjigjet Berisha: “Besoj se në SHBA pavarësisht nga aktet mafioze të kryera ndaj Berishës, përsëri këto nuk janë dominuese për shtetin ligjor, ndarja e pushteteve është liria dhe unë kam besim që PD me këto vlera që mbart me miqtë e saj me SHBA dhe të tjerët do të shkojë drejt fitores, nuk mund të pranohen akte të cilat i shërbejnë sistemit të krimit dhe korrupsioni. Ne do t’i tregojmë botës se çfarë përfaqëson organizata kriminale, SKAP-i i partisë”.
