Deputeti demokrat Edi Plaoka në një lidhje skype me MCN Live ka komentuar çështjen e Berishës i marrë si i pandehur për të cilën u shpreh se u gjet momenti i ndezjes së motorëve për fushatë për të formuluar një aktakuzë pa fakte.
Ai tha se qëllimi i Ramës është që të mbajë Berishën jashtë fushatës elektorale, por që në të tilla kushte është detyrë e tyre që zëvendësojnë kryetarin e tyre edhe pse sipas tij ai është i domosdoshëm dhe i pazëvendësueshëm.
“Paralelisht me fillimin e ndezjes së motorëve të fushatës erdhi dhe ky akt për Berishën, formulimi i akuzës që për 4 vite nuk ishte bërë se gjasme drejtësia e re po mblidhte fakte. Pas kësaj doli akt akuza që po ta lexosh është një lëtyrë që do ishte turp, s’do pranonin ta formulonin as hetuesit dhe prokurorët e diktaturës, do ishte më mirë ta akuzonin Berishën për vrasjen e Kenedy sesa me këtë që kanë përgatitur.
Tashmë çështja është e njohur dhe u tha se do ketë akuza të reja dhe e gjithë kjo sepse dhe vetë ata e dinin se me ato që ishin thënë do ishin qesharak. Por kur merr një akt të tillë nën presionin e Ramës sigurisht që paçavure të tilla do nxjerrësh. Berisha dhe Malltezi akuzohen për ato që janë një paçavure në 500 faqe akuzë, akuzohet se kur ka qenë kryeministër ka marrë vendime në favor të pronarëve të vjetër të cilët u dhunuan ç’pronësuan nga regjimi komunist dhe një ndër këta 10 mijëra pronarë ka qenë dhe dhëndri Berishës.”
Sa i përket vendimit për emërimet e drejtuesve të qarqeve, Paloka tha se ato ndërrmerrëen nga Berisha dhe është e pritshme që gjithmonë të ketë pakënaqësi dhe kundërshtime.
“Qëllimi i tyre është mbajtja jashtë fushatës politike të Berishës sepse Rama është një burracak që Berishën e ka pasur gjithmonë tmerr dhe prandaj ditën kur u ndezën motorët e fushatës i ngritën dhe akuzën. Në këto kushte është detyrë e jonë të zëvendësojmë Berishën dhe energjinë në punë, si lider Berisha padiskutim në këtë moment është i domosdoshëm dhe i pazëvendësueshëm tek ne, por kjo nuk do na pengojë ne të vazhdojmë të bëjmë punën tonë, detyrimin tonë.
Vendimet dhe emërimet e drejtuesve të qarqeve i bënë Berisha dhe të jeni i bindur se para se të marrë një vendim ai e ka menduar 1 mijë herë. Gjithmonë ka kundërshtime dhe pakënaqësi. Përçarja në PD ishte e nxitur nga armiqtë e opozitës, prandaj dhe emërimet që ai ka bërë synojnë ribashkimin e partisë demokratike.
Sot problemi me koalicionin është se me këtë formulë që është të gjithë aleatët tanë do kërkojnë përfaqësues në listën e sigurtë, ndërsa me listat e hapura ne mund të ishim të gjithë me çfarëdolloj numri në listë me votat tona, pra listat e hapura do zgjidhin problemin me koalicionet, por Rama nuk e dha dhe nuk e do e jepte kurrë.”
I pyetur nëse po synon Argita Berisha të marrë drejtimin e PD, ai u shpreh se ajo është themeluese dhe pjesë e strukturave të partisë dhe se nuk i hiqet e drejta askujt për të synuar diçka të tillë.
“Kjo është diskutuar disa herë dhe sa herë që Argirta jep intervista që për mua është krejt normale. Argita dhe Malltezi janë ndër themeluesit e parë të PD dhe janë pjesë e strukturave drejtuese të PD dhe kanë çdo të drejtë si të gjithë anëtarët e tjerë të pretendojnë për diçka tjetër apo të hyjnë në çdolloj gare që pretendojnë. Kështu që dhe Argita dhe kushdo tjetër nuk përjashtohet nga kjo mundësi, por mesa di unë ajo është shprehur se është detyruar të futet për këtë pjesë për shkak të pozicionit ku ndodhet babai dhe bashkëshorti i saj.”
