Ka nisur me debate Këshilli për Rregulloren e Mandatet, mes deputetit socialist të Vlorës Vullnet Sinaj dhe Grupit Parlamentar të PD-së, Gazment Bardhi.
Pas kërkesës së paraqitur nga Partia Demokratike për heqjen e mandatit të deputetit socialist Vullnet Sinaj, është mbledhur Këshilli për Rregulloren e Mandatet.
Partia Demokratike pretendon se Sinaj ka përfituar nga fondet publike, në një kohë që ka qenë ligjvënës, dhe sipas demokratëve, kjo gjë bie ndesh me ligjet dhe si rezultat duhet të humbasë mandatin e deputetit.
Kreu i Grupit Parlamentar të PD-së, Gazment Bardhi, deklaroi se deputeti Sinaj, nëpërmjet kompanive në pronësi të tij ka përfituar të ardhura nga buxheti i shtetit.
“Kemi verifikuar se deputeti Sinaj është pronar në 9 kompani, ku në 5 prej të cilave është aksioner i drejtpërdrejt.
Ne kemi verifikuar nëpërmjet shkresave zyrtare, në këtë rast Drejtorisë se Thesarit, se deputeti Vullnet Sinaj, nëpërmjet kompanive të tij në vetëm 9 transaksione që ne kemi evidentuar mund të jenë edhe shumë më shumë, ka përfituar nga buxheti i shtetit rreth 36 mijë euro.
Në këto kushte ai është neë shkelje të Kushtetutës konkretisht të nenit 70, pika 3. Këto fakte, janë konfirmuar zyrtarisht edhe nga Ministria e Finacave dhe Drejtoria e Thesarit”, deklaroi Bardhi.
Sinaj: Isha biznesmen kur u futa në politikë
Pas deklaratës së bardhit reagoi socialisti Vullnet Sinaj, i cili ironizoi kreun e Grupit Parlamentar të PD-së, tha se “si ka mundësi që nuk ke gjetur dokumentet për paratë që unë kam dhuruar edhe gjatë kohës së tërmetit”.
Ndërsa më tej ligjvënësi socialist tha se në momentin që ka marrë mandatin e deputetit ka hequr dorë nga aksionet e tij në biznese.
“Kam dhuruar 100 mijë euro në kohën e tërmetit. Unë kam qenë biznesmen që hyra në politikë dhe nuk u bëra sipërmarrës pasi hyra në politikë. Unë kam 20 vjet që merrem me biznes. Ai biznesi që ju më thoni që është i mi, ka bërë atë sollën e operacioneve te Kardiologjia për fëmijët. Ndaj meje po bëhet një farsë e madhe, që nuk është as ligjore.
Ajo që ju më akuzoni mua sot është shitja e produkteve në kasa. Ku ta dijë një punonjës i kasës se kush ble në marketet e Big Market? Kujt t’ia ndalojmë hyrjen në Big Market na i thoni? Nuk kam përfituar asnjë qindarkë nga buxheti i shtetit, përkundrazi jam donator. Nuk kam marrë pjesë në asnjë tender, në asnjë koncension”, tha Sinaj.
Bardhi: Qoftë edhe për 1 lek të përfituar nga buxheti shtetit, e shkelni Kushtetutën
Pas fjalës së Sinës, Bardhi i përmendi disa institiucione që sipas tij kanë kryer blerje në rrjetin e supermarketeve që ka në pronësi deputeti Sinaj.
Ai tha se nuk heq dhe as nuk jep mandate, pasi është Gjykata Kushtetuese e cila vendos për çështjen.
“Qoftë edhe për 1 lek, ne nuk mund të mbyllim sytë, kur përfituesi është deputet. Jeni në shkelje të Kushtetutës.
Nuk duhet të keni frikë nga shqyrtimi i çështjes në Gjykatën Kushtetuese. Kjo e fundit vendos për mandatin, ndoshta keni të drejtë Ju dhe ne e kemi gabim, por mendoj se ne kemi të drejtë”, tha Bardhi.
Lexo edhe:
Fakte dhe analiza/ Për disa miliona lekë, pse deputeti Vullnet Sinaj rrezikon mandatin
