Anëtari i Kryesisë së PD-së, Belind Këlliçi, ka treguar detaje të reja nga afera e drejtorëve të Bashkisë Tiranë dhe Inceneratorit inekzistet të kryeqytetiti.
I ftuar në Syri TV, Këlliçi tha se 5D nuk është trajtuar si grup i strukturar kriminal nga ana e SPAK edhe pse vendimi i gjyqtarit të Apelit të GJKKO thotë që të gjithë këta individë plotësojnë të gjitha kriteret për tu konsideruar si grup i strukturuar kriminal.
Duke u ndalur te skandali i blerjes së apartamentit të Gramoz Ruçit nga 5D në vlerën e 454 mijë euro, Këlliçi hodhi dyshime se kjo ka qënë një transaksion fiktiv pasi kjo është një qokë e Veliajt për suport politik brenda PS.
Gjithashtu Këlliçi ngriti pyetje edhe për drejtuesin e SPAK, Altin Dumani, se si ka mundësi që të mbajë kryetarin e opozitës, për 241 ditë në arrest shtëpie, liderin e PD Sali Berisha, pa fakte pa provë pa akuzë dhe i njëjti drejtues i SPAK i ka këto prova flagrante për Edi Ramën dhe nuk i sheh.
‘Kjo bëhet për të amnistuar Edi Ramën dhe Erion Veliajn’, u shpreh Këlliçi.
“Të dalësh 23 radhë para një institucioni si Bashkia e Tiranës dhe çdo javë të vish me dokumente prova dhe fakte të reja për kryetarin e bashkisë, kjo është e padëgjuar.
Sot u fokusuam te vendimi i GJKKO, që ka dhënë një vendim të detajuar që ka prekur thelbin e çështjes, që 5D nuk është trajtuar si grup i strukturar kriminal. Vendimi i gjyqtarit të Apelit të GJKKO thotë që të gjithë këta individë plotësojnë të gjitha kriteret për tu konsideruar si grup i strukturuar kriminal. I kërkon dhe llogari SPAK se përse nuk i ndjek dhe të ngrejë akuzën e grupit të strukturar kriminal këtyre individëve.
Për të shkuar te blerja e apartamentit që i është bërë Gramoz Ruçit. Ku ka apartament sot në Tiranë që u shiska 454 mijë euro, ndërkohë që sipas informacioneve që kemi është bërë thjesht një transaksion formal sepse kjo ka qënë një qokë për Gramoz Ruçin. Në vendimin e Apelit të GJKKO-së përmendet dhe thuhet që SPAK të hetojë mënyrën e blerjes së këtij apartamenti dhe paratë a janë përfituar nga korrupsioni që ka bërë kompania 5D dhe të shihet kush ka paguar ujin dhe dritat e këtij apartamenti. A ka qëndruar zoti Ruçi edhe pas transaksionit të shitjes në këtë banesë apo jo sepse ka indicie që është kështu. Këto janë punë që do duhet të bënte prokuroria.
5D ka kapur kupolën e Partisë Socialiste. Erion Veliaj nëpërmjet 5D…Transaksioni është në tetor të 2021 kur Ruçi kishte ikur nga kreu i Parlamentit të Shqipërisë kjo është bërë si një qokë për suport politik brenda PS.
Ndër të paktat firma që Edi Rama është bërë për bonusin 8% të pikëve për një kompani që u themelua 8 muaj pasi Edi Rama firmosi këtë bonus.
Si mundet drejtuesi i SPAK të mbajë kryetarin e opozitës, për 241 ditë në arrest shtëpie, liderin e PD Sali Berisha, pa fakte pa provë pa akuzë dhe i njëjti drejtues i SPAK i ka këto prova flagrante dhe nuk i sheh. Kjo bëhet për të amnistuar Edi Ramën dhe Erion Veliajn”, tha ai.
