Në mënyrë misterioze është gjetur nga kalimtarët e rastit trupi pa jetë trupi i avokatit, Leonard Dingo.
Gjatë një reagimi publik, avokatët ngrenë hije dyshime se vdekja e Leonard Dingos ka ardhur si pasojë e një krimi të mirëfilltë për shkak të detyrës dhe jo siç ka raportuar policia si “aksident të zakonshëm”.
Sipas avokatëve, deri tani është gjetur makina që ka bërë aksidentin e braktisur në zonën e Shëna Vlashit, është identifikuar targa dhe rrjedhimisht edhe pronar i makinës, por ajo që do t’i jepte rrugë zbardhjes së aksidentit ende është një “enigmë”.
Kolegët e avokat Leonard Dingos pretendojnë se ngjarja e rëndë po fshihet nga policia e cila ka identifikuar makinën që shkaktoi aksidentin por nuk ka arrestuar asnjë person.
“Ka më shumë se 48 orë që në zonën e Golemit, Durrës ka ndodhur një aksident me tipare të një krimi, që ende nuk është zbardhur. Avokati i mirënjohur Leonard Dingo ka ndërruar jetë si rrezultat i një aksidenti që ka ndodhur pranë shtëpisë së tij në një rrugë dytësore rreth orës 12:00 të datës 20 Gusht. Duke ditur çështjet sensitive që mbronte avokat Dingo dyshimet e arsyeshme të drejtojnë përtej një aksidenti të zakonshëm. Sipas burimeve konfidenciale deri tani është gjetur makina që ka bërë aksidentin e braktisur në zonën e Shëna Vlashit, është identifikuar targa dhe rrjedhimisht edhe pronar i makinës, por ajo që do t’i jepte rrugë zbardhjes së aksidentit ende është enigmë. Është kryer një krim dhe asnjë i dyshuar apo i ndaluar!”, thuhet në reagimin e avokatëve.
- Reagimi i “thatë” i policisë, a po fshihet krimi i rëndë?
Uniformat blu në një reagim për mediat bën me dije se 63-vjeçari Leonard Dingo është përplasur për vdekje nga një makinë në rrugën dytësore Plepa-Kavajë, kurse shoferi më pas është arratisur.
Në një njoftim të “thatë”, Policia bën të ditur se ngjarja ka ndodhur rreth orës 00:50, ku dyshohet se një automjet ende i paidentifikuar ka aksidentuar këmbësorin me iniciale L. D., 63 vjeç, i cili si pasojë ka humbur jetën.
Me kaq policia është mjaftuar dhe nuk ka kryer asnjë hetim për ngjarjen në fjalë e cila ngre pikëpyetje të mundshme si mund të jetë shkaktuar vdekja e avokatit Leonard Dingo.
“Rreth orës 00:50, në rrugën dytësore “Plepa-Kavajë”, dyshohet se një automjet ende i paidentifikuar ka aksidentuar shtetasin këmbësor, L. D., 63 vjeç, i cili si pasojë ka humbur jetën. Shërbimet e Policisë po punojnë për identifikimin dhe kapjen e autorit. Ndërkaq, grupi hetimor po punon për zbardhjen e rrethanave të rastit“, njofton policia.
- Policia nuk identifikon autorin
Policia e Shtetit e ka për detyrë të bëjë një reagim të dytë publik për të sqaruar në çfarë rrethana është shkaktuar vdekja e avokatit Leonard Dingo.
Gjithashtu deri në këto momente edhe nuk dihet nëse është identifikuar autori i krimit të rëndë dhe çfarë pune po bën policia për ta nxjerrë përballë drejtësisë.
