Franca mundi Gjermaninë 73-69 për të kaluar në ndeshjen e medaljes së artë në basketboll për meshkuj.
Guerschon Yabusele ishte më i miri për vendasit duke shënuar 17 pikë ndërsa Isaia Cordinier shtoi 16 pikë dhe Victor Wembanyama përfundoi me 11 pikë dhe shtatë topa në tabelë për të ndihmuar Francën të arrijë në finalen e saj të dytë olimpike radhazi.
Nga ana tjetër Dennis Schroder ishte më i miri te Gjermania duke shënuar 18 pikë, Franz Wagner shtoi 10 pikë dhe tetë topa në tabelë por që në fund rezultuan vetëm për statistikë.
Kjo i jep fund ecurisë së pabesueshme të gjermanëve gjatë dy viteve të fundit. Që nga fitorja e Kupës së Botës të vitit të kaluar, ata kishin fituar 12 ndeshje radhazi në kompeticionet e mëdha ndërkombëtare.
Vendi pritës i Lojërave të Parisit, Franca do të luajë të shtunën me fituesin e Serbisë dhe SHBA-së duel që do të luhet mbrëmjen e sotme.
