Zëdhënësja e qeverisë franceze, Maud Brezion, ka paralajmëruar se Hamasi po përpiqet të rimarrë kontrollin e Rripit të Gazës, duke shtuar presion mbi kundërshtarët e tij dhe përpjekjet për stabilizimin e rajonit.
“Hamasi po rifiton kontrollin e enklavës dhe të administratës, dhe po zhvillon një fushatë shtypjeje ndaj kundërshtarëve të tij, pasi amerikanët kanë lënë të kuptohet se do të ketë një periudhë të shkurtër për të stabilizuar situatën në Gaza,” tha Brezion pas mbledhjes së kabinetit qeveritar.
Ajo bëri thirrje për zbatuarjen e menjëhershme të masave të sigurisë dhe qeverisjes, duke theksuar nevojën urgjente për fazën e dytë të armëpushimit, që përfshin tre prioritete: ndihma humanitare, siguria dhe qeverisja.
Ndërkohë, nga Jerusalemi, zëvendëspresidenti amerikan J.D. Vance theksoi se çarmatosja e Hamasit dhe rindërtimi i Gazës do të jetë një detyrë e vështirë. Shumë pika të marrëveshjes së propozuar nga Donald Trump, përfshirë çarmatimin e Hamasit, mbeten ende të pazbatuara.
Presidenti francez Emmanuel Macron ka deklaruar se armëpushimi mbetet “shumë i brishtë” dhe ka kërkuar hapjen e menjëhershme të të gjitha pikave kufitare për të mundësuar hyrjen e ndihmave humanitare në Gaza.
