Deputetja e Partisë Demokratike Ina Zhupa thotë se Censi i vitit 2023 i popullsisë dhe i banesave në vendin tonë ishte i manipuluar.
Në një intervistë për Ora News. Zhupa tha se qeveria ndërhyri në Cens duke mos e treguar realitetin ndërsa të dhënat e Eurostat e tregojnë se Censi ishte i manipuluar sipas deputetes demokrate.
Partia Demokratike vijon t’i qëndrojë idesë se Censi popullsisë dhe I banesave është I manipuluar. Për Ina Zhupën gjithçka ka ndodhur me kërkesën e qeverisë për të mos e treguar realitetin në Shqipëri.
Ina Zhupa: Mendoj dhe besoj dhe nga kryqëzimi i të dhënave se Censusi është i manipuluar. Censusi i vitit 2023 nuk tregon realisht gjendjen e popullsisë në Shqipëri.
Zhupa thotë se kryqëzimi i të dhënave të Eurostat dhe INSTAT nxjerr se Censi 2023 ishte i manipuluar.
Ina Zhupa: Duke kryqëzuar të dhënat që jep Eurostati për Shqipërinë që thotë që janë 900 mijë shqiptarë që ndodhen vetëm në vendet e Bashkimit Europian duke filluar nga ata që janë me leje qëndrimi, nga ata që kërkojnë azil, pra të gjithë gamën, pa përfshirë në Britaninë e Madhe, në SHBA apo Kanada. 900 mijë nuk reflektojnë të dhënat që tregon INSTATI.
Për deputeten demokrate ekzistojnë disa indicie që e bëjnë të pabesueshëm Censin.
Ina Zhupa: Gjithmonë kanë dalë rezultate paraprake brenda dy muajsh dhe ato finale në harkun e 6 muajve. INSTATI thotë që në 12 vjet në Shqipëri janë shtuar vetëm 70 mijë banesa. Pra, nuk I shikon INSTATI këto kulla, këto pallate, këto ndërtime në bregdet, këto resorte, këto rezidenca? Se, anketuesi ju blen tableta dhe u shty procesin Censusit për këto tableta, janë bërë anketime me letër akoma.
Kundër Censit 2023 nuk është kundërshtuar vetëm nga opozita por edhe nga disa prej komuniteteve fetare dhe nga minoritetet.
