Shqipëria do të presë vitin e ardhshëm Samitin e Komunitetit Politik Europian, që këtë vit u zhvillua në Mbretërinë e Bashkuar.
Lajmin është bërë me dije nga kryeministri Edi Rama, përmes një postimi në rrjetet sociale, teksa ka ndarë disa pamje nga samiti i këtij viti. Kreu i qeverisë shpreh rëndësinë e pozicionimit të Shqipërisë në arenën ndërkombëtare.
“Mirëmëngjes dhe me lajmin e bukur se Shqipëria do të mikpresë vitin tjetër Samitin e Komunitetit Politik Europian, si një tjetër fakt kuptimplotë i pozicionit të ri të vendit tonë në arenën ndërkombëtare, ku deri dje jo vetëm s’mund të imagjinohej të respektoheshim si të barabartë e të bëheshim stacion europian aktivitetesh të nivelit më të lartë politik, po shikoheshim si një periferi e prapambetur ballkanike, ju uroj të gjithëve një ditë të mbarë.” – shkruan Rama.
