Për Anëtarin e Kryesisë së PD, Belind Këlliçi protesta e 11 korrikut është një test i rëndësishëm për Partinë Demokratike për shkak të ndryshmeve brenda opozitës, por edhe akuzave që i janë bërë maxhorancës socialiste.
“Shqipëria është në një moment shumë të vështirë ekonomik, 44% e qytetarëve të këtij vendi jetojnë në kushtet e një varfërie ekstreme. 47% e fëmijëve vuajnë nga kequshqyerja, renditemi të fundit në botë në listën e PISA-s, jemi pas Palestinës që është në luftë. Qytetari i zakonshëm ka 1001 arsye për të dalë në protestë”,-tha Belind Këlliçi.
Gjatë një interviste në Euronews Albania, Këllçi tregon se kjo protestë do të ketë një kauzë kryesore që do të kërkohet me insistim jo vetëm më 11 korrik, por edhe në vijim.
“Duhen zgjedhje të lira e të ndershme me një qeveri teknike. Edi Rama e ka treguar që nuk mundet të menazhojë një proces zgjedhor transparent e të pacënueshëm”,-tha Këlliçi.
