Një aksident automobilistik është regjistruar mbrëmjen e sotme në aksin rrugor Korçë-Bilisht, pranë fshatit Progër.
Mësohet se një automjet ka dalë nga rruga, duke përfunduar në kanalin anësor, pasi drejtuesi i saj kishte humbur kontrollin mbi drejtimin e mjetit.
Si pasojë e aksidentit kanë mbetur të plagosur drejtuesi i mjetit dhe katër pasagjerët që ndodheshin me të. Të pestë të plagosurit janë dërguar me urgjencë në spitalin e Korçës për të marrë ndihmë mjekësore, teksa mësohet se ndodhen jashtë rrezikut për jetën.
Nga hetimet paraprake dyshohet se shkaku i aksidentit ka qenë shpejtësia e madhe me të cilën po lëvizte mjeti, si dhe mungesa e ndriçimit në rrugë.
Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
Njoftimi:
Mbrëmjen e sotme, në aksin rrugor “Korçë-Devoll”, në rrugën dytësore në drejtim të fshatit Progër, shtetasi N. P., 18 vjeç, duke drejtuar automjetin tip “Volvo”, dyshohet se ka humbur kontrollin mbi drejtimin e tij, dhe automjeti ka dalë nga rruga. Si pasojë janë dëmtuar 4 shtetas pasagjerë në mjet, të cilët ndodhen për mjekim në spital, jashtë rrezikut për jetën.
Me shtetasin N. P., po kryhen veprimet e mëtejshme proceduriale.
Grupi hetimor po punon për sqarimin e rrethanave të aksidentit.
