Kryetarja e Kuvendit, Lindita Nikolla ka ndërprerë seancën plenare, pasi kryetarit i grupit parlamentar të PD-së, Gazment Bardhi dhe sekretari i Përgjithshëm i PD-së Flamur Noka bllokuan foltoren e parlamentit.
Shkak u bë ndërprerja e fjalës së Flamur Nokës nga Nikolla, pasi ai filloi me akuza ndaj Qeverisë. Sipas Nikollës, Noka nuik iu përmbajt procedurës.
Pjesë nga debati
Flamur Noka: Që jeni në zhytur dhe nga sikleti nuk dini çfarë të bëni ky nuk është faji ynë. A ju kanë faj shqiptarët që Kryeministri futi në zyrë Luftar Hysën, e kartelit Sinaloa dhe i jep kazino. A është zyrë private apo shtetërore? A është privatë apo shtetërore që futi një zyrë McGonigalin.
Nikolla: Ju heq fjalën, kjo nuk është procedurë
Noka flet pa mikrofon
Nikolla: Uluni në vend, e konsuamuat kohën tuaj
Noka: Nuk shpëton dot
Nikolla: Patjetër as unë nuk shpëtoj dot, por as ju nuk shpëtoni: Nuk është procedure zoti Bardhi
Noka: O mafia
Nikolla: Mafia je vet! Të tërheq vërejtjen për fyerjen. Keni dalë jashtë procedurës. Ma njeh rregullorja t’jua ndërpresë fjalën. Uluni në vend! Nuk foli për procedurë zot Bardhi, se jeni dhe dashnor i rregullores dhe Kushtetutës. Nuk foli për procedurë.
