Anëtar i Këshillit Bashkiak Tiranë, Jonathan Pano ka folur rreth shpopullimit të Shqipërisë në mënyrë të frikshme gjatë qeverisjes së Edi Ramës, si dhe për rezultatet e censusit që u bënë publike disa ditë më parë.
Sipas Panos, ky census është absolutisht tallje me qytetarët e Shqipërisë, pasi duke ju u referuar raportit të ‘EUROSTAT’ thuhet se 10 vitet e fundit në BE janë larguar mbi 950 mijë shqiptarë, pa llogaritur ShBA-të, Britaninë e Madhe apo vende të tjera që nuk janë pjesë e unionit.
“Në fakt këto ditët e fundit kam qenë aktiv edhe me artikujt që kam shkruar dhe sot ka qenë artikulli i 3 që kam publikuar, sepse ky census është absolutisht tallje me qytetarët e Shqipërisë.
Dy analiza krahasimore të ndryshme thonë se janë larguar vetëm 400 e 40 e sa mijë persona, por kemi dy analiza që e hedhin poshtë këtë fakt.
Një nga faktorët kryesorë që kontribon në uljen artificiale që na duket që është një axhendë e qartë për shpopullimin, kemi të dhënat e EUROSTAT që na e vërtetojnë këtë gjë.
Sipas atyre të dhënave që kanë publikuar vjet 478 mijë e 245 shqiptar kanë emigruar ligjërisht midis viteve 2014-2023 dhe këtu nuk po flasim për azilkërkuesit, por për ata persona me dokumenta të rregullta.
Më pas kemi 191 mijë shqiptarë që kanë kërkuar azil gjatë kësaj periudhe dhe 311 mijë shqiptarë po qëndrojnë ilegalisht në vendet e BE, dhe këtu nuk po flasim për vendet e tjera si: Mbretëri e Bashkuar, SHBA, Kanada apo vendet e Azisë.
Vetëm në vitin 2022, 12 mijë e 300 shqiptarë kanë mbërritur në Mbretërinë e Bashkuar përmes varkave të vogla dhe kjo ka qenë një rritje e madhe nga 50 në vitin 2020, 800 në vitin 2021, dhe 12 mijë në 2022.
Ndërsa modeli i dytë që ne mund të kapemi me modelin e CENSUS-it është se nga viti 2012 deri në vititn 2022 kemi 270 mijë rregjistrime në sistemin arsimor, e këtu flas nga ai baziku deri në fakultet.
Nëse dikush do dilte e do thoshte kemi të bëjmë me uljen e fertilitetit, spese kemi një kofiçient në ulje sa i përket lindshmërisë do thoja jo, pasi kjo është e gabuar sepse deri në vitin 2012 norma e lindshmërisa ka qenë mjaft normale”, tha Pano per SYri tv.
