Tre ditë pasi Prokuroria e Tiranës i sekuestroi pasuri me vlerë 50 milion euro, pasi dyshohet se ishin përfshirë në skemën e pastrimit të parave në Shqipëri, ka reaguar sërish biznesmeni Kristian Boçi.
Në një reagim në rrjetet sociale, teksa ka publikuar një video nga kisha, Boçi ka komentuar lajmet e ditëve të fundit, duke thënë se “ka krejt të drejtën e vet ligji mem pa, mem kontrollu, e mem verifiku”, duke shtuar më tej se sipas tij, “një Shqiptarë i vërtetë, nuk abuzon me Kombin e vet”.
“Para Zotit përulem dhe ndërgjëgjsohem. Siç paça zemren, ma boftë jetën. Lajmet e këtyre ditëve? Ka krejt të drejtën e vet ligji mem pa, mem kontrollu, e mem verifiku. Një shtet pa ligj, është si një shtëpi që e drejtojn fëmitë. Një Shqiptarë i vërtetë, nuk abuzon me Kombin e vet. Ju bekoftë Zoti dhe faleminderit për çdo Sms përkrahës”, shkruan ai.
