Agjencia e Mbikëqyrjes Policore ka arrestuar efektivin e Rinasit, i shpallur në kërkim si pjesë e grupit ku u godit një skemë e korrupsionit në radhët e policisë kufitare të Rinasit, të cilët kalonin qytetarët me probleme drejt vendeve të BE-së.
Në pranga është vënë 39-vjeçari Briken Terziu me detyrë ndihmës specialist, kontrollor: Seksioni i kufirit, ne Komisariatin e Policise Kufitare Aeroporti Rinas. Ai akuzohet për kryerjen e veprës penale“Korrupsion pasiv i personave që ushtrojnë funksione publike”, “Shpërdorim detyre”.
Briken Terziu bashkëpunonte me ish-kreu i Shoqatës së Transportit Ndërqytetës, Eneo Sulejmanaj, për të kaluar drejt vendeve të Bashkimit Europian, emigrantët që kishin të pamundur të kaloni, pasi kishin problematike, ose kalonin edhe fëmijë pa prokurën e prindërit.
Nën hetim për këtë çështje janë edhe efektivët Sokol Xhika, Aris Drini, Ermal Mesi, Enkis Aliaj, Argil Hasa, Ylli Prenci, dhe Rei Shenjtolli, po ashtu inspektorë në aeroportin e Rinasit me detyrë ndihmës specialist, kontrollor.
Sipas hetimeve të Prokurorisë së Tiranës, nëntë personat e mësipërm në bashkëpunim me njëri-tjetrin, mundësonin kalimin e shtetasve që ju ndalohej kalimi në territorin e vendeve të Bashkimit Evropian nëpërmjet Aeroportit të Rinasit. Sipas organit të drejtësisë, kjo skemë kriminale është zbardhur pas zbërthimit të telefonit të Eneo Sulejmanajt, i cili u arrestua për drogë.
Veprimtaria kriminale dyshohet se është kryer nga marsi 2023 deri në mars 2024. Dyshohet se agjencia në emër të Sulejmanajt, “Bus Albania” priste bileta avioni për persona të ndryshëm që nuk udhëtonin dot drejt BE. Eneo Sulejmanaj kishte kontakte me efektivin Briken Terziu. Ky i fundit përmes kolegëve të tij lejonin udhëtimin e personave të jashtëligjshëm për të kaluar kufirin përmes shumave monetare.
Sipas hetimit të Prokurorisë së Tiranës, për personat që kishin problematika për kalimin drejt vendeve të BE-së, ryshfeti shkonte nga 500 euro dhe më shumë.
“Nga konteksi i bisedave të zhvilluara mes tyre dhe verifikimeve në sitemin TIMS, rezulton se kontaktonte me shtetasi Briken Tereziu, me detyrë Ndihmës specialist/kontrollor në Komisariatin e Policisë Kufitare Aeroporti Rinas. Shtetasi Eneo Sulejmanaj ka në pronësi një Agjensi Udhëtimi, “Bus Albania” me objekt veprimtarie, ndër të tjera edhe “agjensi për shitje biletash”.
Me qëllim përfitimin e vlerave monetare, krahas vlerës së biletës së avionit, shtetasi Eneo Sulejmanaj mban kontakte të vazhdueshme me punonjësin e policisë Briken Tereziu, të cilit i dërgon të dhënat e personave të cilët kanë blerë bileta në këtë agjensi, për verifikim paraprak të rekordeve në sistemin TIMS, për të verifikuar nëse plotësojnë kushtet për të udhëtuar drejt vendeve të BE-së, sipas përcaktimeve të akteve ligjore e nënligjore për këtë qëllim, duke e informuar atë rast pas rasti për problematikat që ata kanë.
Pasi këta persona verifikohen paraprakisht prej tij, ose lidhjeve të tij shoqërore/punonjës policie, jepeshin udhëzimet mbi kabinën ku duhet të paraqiten për përpunimin e të dhënave dhe vlerat monetare në këmbëim të lejimit për të udhëtuar dhe formën e dorëzimit të tyre.
Në varësi të problematikës, për rastet të cilat personat janë kthyer në kategorinë INAD ose deportiv nga vendet e BE-së, punonjësi i policisë Briken Tereziu jep udhëzime mbi itenerarin e udhëtimit që duhet të kryej pasagjeri, duke vendosur si destinacion fillestar aeroportet e vendeve që nuk janë në BE dhe më pas kryerjen e flutrimeve tranzit drejt vendeve të Be-së.
Në lidhje me rastet të cilat kanë problematika të tjera, në varësi të tyrre përcaktohen vlerat monetare në këmbim të lejimit të kalimit, të cilat variojnë nga 50 euro (per persona të cilët nuk kanë asnjë problematike, por mashtrohen prej tyre) deri në vlerat e 500 eurove apo më shumë për ata që kanë problematika të tipit, nuk lejohen të udhëtojnë pasi janë të kthyer në kategorinë Inad apo deportiv nga shtetet e tjera, anëtare të BE-së.” – thuhej në njoftimin e Prokurorisë së Tiranës.
