Policia e Shkodrës ka goditur një rast të ndërtimit pa leje në Plazhin e Borshit, ku një 45-vjeçar është proceduar penalisht, pasi është kapur teksa po ndërtonte pa leje një lokal.
Ndërkohë, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme, për veprën penale “Ndërtimi i paligjshëm”.
Njoftimi i policisë:
Po ndërtonte pa leje, një beach bar, në Borsh, procedohet penalisht 45-vjeçari.
Si rezultat i kontrolleve të shtuara në terren, për parandalimin, evidentimin dhe goditjen e rasteve të ndërtimeve pa leje, veçanërisht në zonat urbane dhe ato bregdetare, shërbimet e Komisariatit të Policisë Himarë, bazuar në informacionet e siguruara në rrugë operative, kanë evidentuar një rast të ndërtimit të paligjshëm, në vijën bregdetare të Borshit.
Për këtë rast, specialistët për Hetimin e Krimeve të Komisariatit të Policisë Himarë referuan materialet në Prokurori ku nisi procedimi penal për shtetasin 45 vjeç, i cili po ndërtonte një beach bar, pa lejen e organeve kompetente.
