Ardita Sinani nga Partia për Veprim Demokratike ka shpallur fitoren për zgjedhjet lokale të mbajtura këtë në Preshevë. Nga rezultatet preliminare të publikuara, PVD ka marrë 4078 vota.
Në një fjalim para mbështetësve Sinani u premtoi votueseve se do të udhëheq me përgjegjësi e këmbë në tokë me komunën e Preshevës.
“Me mençuri politike kemi dëshmu se dimë me udhëheq të gjitha proceset për 30 vite, ky proces ishte shumë i rëndësishëm. Dhe me maturi e me këmbë në tokë duhet ta qeverisim për katër vitet e ardhme, andaj me këtë fitore bindëse më keni ngarkuar me një përgjegjësi për të udhëheq me komunën e Preshevës. Urime me fat”, ka deklaruar Sinani.
Ajo u përcolli të fala votuesëve nga kreyministri i Kosovës, Albin Kurti. Kjo u shoqërua më pas me duartrokitje dhe thirrje të emrit të tij.
Kryeministri i Kosovës, Albin Kurti ishte përfshirë publikisht në zgjedhjet lokale në Preshevë, duke mbështetur kështu subjektin politikt të Shaip Kamberit e Ardita Sinanit.
Ndërkohë, Lista Serbe ka arritur të marrë vetëm një këshilltar në Preshevë, sipas rezultateve preliminare
Rezultatet preliminare në zgjedhjet lokale në Preshevë:
Partia për Veprim Demokratik – 4078 vota – 11 këshilltarë
Partia Demokratike Shqiptare – 3093 vota – 8 këshilltarë
Alternativa për Ndryshim – 2856 vota – 8 këshilltarë
Lëvizja për reforma – 2140 vota – 6 këshilltarë
Aleanca për Luginën – 1154 vota – 3 këshilltarë
Unioni Demokratik Shqiptar – 566 vota – 1 këshilltar
Lista serbe – 641 vota – 1 këshilltar
Ndërsa Fronti për Ndryshim ka shpallur fitoren e zgjedhjeve në Bujanoc.
