Autoritetet greke kanë kapur sërish sasi kokaine në Portin e Pireut në Athinë, pas sasisë së madhe të kapur pak ditë më parë, ku dyshohet se destinacion kishte Shqipërinë dhe më pas shpërndarjen në Europë.
Mediat greke raportojnë se së fundmi është kapur një sasi prej 109 kilogramë e 600 gramë kokainë, e ndarë në 100 pako. Kokaina ishte e fshehur në një kontejner me kallamrë të ngrirë, e cila kishte ardhur nga Peruja, teksa kishte si destinacion kroacinë.
Gjithashtu, raportohet se është kapur dhe një ngarkesë e dytë me kokainë në Portin e Pireut, por këtë herë droga vinte nga Ekuador. Bëhet fjalë për një sasi prej 46 kilogramësh, e cila ishte fshehur në një kontejner me kuti bananesh.
Vlera e lëndës narkotike llogaritej në treg në rreth 2 milion euro.
Me asistencën e autoriteteve të huaja, nga data 23 deri më 27 maj është autoritetet greke kanë kryer një inspektim në brendësi të portit të Pireut, në gjithsej 13 kontejnerë të ardhur nga vendet e Amerikës Latine.
