Analisti Fatos Lubonja ka komentuar raportimin e kreut të SPAK, Altin Dumani, në Komisionin e Ligjeve, ku tha se e gjitha ushte një show.
I ftuar në News 24, Lubonja tha se për mendimin e tij është dopio standardi që SPAK ka treguar me rastin e Sali Berishës dhe Edi Ramës.
“Nëse Sali Berishës i është hapur një hetim sepse ka vënë firmën për një ndryshim ligji, nga i cili ka përfituar dhëndri apo klienti i tij, sot kemi firma ditë për ditë të Edi Ramës, që nga këto investitorët strategjikë, që na dalin edhe në dosjet e planeve që bëjnë vrasje. Atëherë pse nuk hetohet Edi Rama?
Unë them që historia na ka treguar se edhe miq e vëllezër të ngushtë, lufta për pushtet i ka kthyer në armiq. Po ju jap një shembull, Ramiz Alia ka futur në burg Nexhmije Hoxhën”, tha Lubonja. Sipas tij, mund të vijë një moment që SPAK të marrë nën hetim Edi Ramën, por edhe mund të ndodhë që Edi Rama të fitojë luftën dhe t’i mposhtë të gjithë këta”, tha Lubonja.
