Gazetari Basir Çollaku ka reaguar në lidhje me dokumentet e publikuara ditën e djeshme në media ku pretendohet se Prokuroria e Posaçme (SPAK) ka nisur hetim pasuror ndaj kryebashkiakut të Tiranës, Erion Veliaj.
Përmes një postimi në rrjetet sociale, Çollaku ngre dyshime nëse ky hetim pasuror a është i njëjti me atë ndaj Arben Ahmetajt dhe nëse a është ky një shteg që kryebashkiaku Veliaj t’i ikë statusit si i pandehur për aferën e inceneratorit.
Çollaku shton më tej se në hetim pasuror janë disa ministra dhe deputetë, duke kujtuar Saimir Tahirin, Fatmir Xhafajn, Arben Ahmetajn dhe sipas tij, rezultati deri tani është vetëm statistikë dhe anon nga manistia.
Gazetari shkruan se hetimi pasurori ndodh vetëm kur ka një kallëzim për ndonjë pasuri të fshehur ose kur je nën hetim për korrupsion. Çollaku, gjithashtu, paralajmëron Veliajn se ka raste kur “kolegët”, ashtu siç iu referohet ai prokurorëve të SPAK, të marrin në qafë kur futen në parcelën e parave. Ndër të tjera, ai përmend dhe shpenzimet e pajustifikueshme të Erion Veliajt.
Reagimi i plotë:
“Kolegët” e Erionit, hetojnë gruan dhe vëllanë e Veliajt..
A është hetimi pasuror i Veliajt, njëlloj si ai i Ahmetaj?
A mund të jetë ky një shteg për të ikur nga i statusi i pandehur për Inceneratorin?!
Në hetim pasuror janë disa deputetë e ministra!!
Rezultati është gjithnjë statistikë..
Kujtoni Tahirin, Xhafën, Ahmetajn..
Deri tani rezultatet anojnë nga amnistia!!!
Së paku në dy raste nis ky hetim, nëse nuk ka një kallzim për ndonjë pasuri të fshehur.
Kur funksionarit publik me detyrim deklarimi, ILKPDI i konstaton mospërputhje të burimit të ligjshëm të parave me gjendjet e deklaruara, e bën kallzim në Prokurorinë përkatëse sipas kompetencës proceduriale për subjektin.
Ose kur është i pandehur në një ngjarje që SPAK ka tagër, si korrupsion, grup apo organizatë kriminale. Kjo sjell hetim pasuror, ku përfshin personat e lidhur, familjarët..
Mes euforisë dhe skepticizmit, ka raste kur kolegët të marrin në qafë, teksa të hyjnë në parcelën e parave.
Kolegë niseni me kacidhet e fiqve, dy dasmat me qindarka luksi pensionesh të vakëta, nëpër kalatë e Gjirokastrës dhe Prezës. Hidhuna ca më tej te biznesi i shëndetshëm i bashkëshortes Xoxa, me zyrat në kullën në bllok, që pas disa vitesh ndlrtimi u shtua me pesë kate. Vëllai për të cilin hetimet mund ta ndajnë e bashkojnë me bashkiakun.
Se mos dalin rrugës lobingje, fluturime andej e gjithandej, ndonjë aksion të vogël gjëkundi, ku çudirat mund të gjezdisin edhe nëpër ofshore. Charles bën vaki ka lëshuar ndonjë llaf pa vend.
Se mos del ndonjë pemë e mbjellë jashtë vendit, pranë ndonjë investimi me rrënjë dyshuese. Janë së paku gjashtë dosje të mëdha, si Inceneratorët, 5 D, Eco Tirana, Tirana DC, Ujësjellësi, shembja e Teatrit Kombëtar, me degë mafioze, e qindra milionë euro, të cilat prodhojnë mijëra arsye e indicie hetimore për bashkiakun e Tiranës. Kolegët nuk po tregohen aq të sjellshëm e të disiplinuar, apo janë një amnisti duke sajuar..Duhet pritur për takimin e rradhës mes kolegëve.
E mos shko te kolegët një orë përpara. Shfrytëzoje kohën për ndonjë provë, e jo gatime dasmash të pahijshme e të paligjshme..
