Gjykata britanike “Leeds Crown”, ka dënuar në total me 9 vite e 10 muaj burg, gjashtë shqiptarët që pranuan se kishin rritur bimë kanabisi me vlerë 446,000 euro, në një shtëpi të braktisur në West Yorkshire.
Bëhet fjalë për shqiptarët: Alitor Deda, 30 vjeç, Andi Teta, 33 vjeç dhe Ali Qerfozi, 42 vjeç, të cilët u dënuan me nga 24 muaj burgim. Erijon Gjoka, 21 vjeç, u dënua me 18 muaj, ndërsa Edison Markeci, 21 vjeç dhe Augustin Marku, 36 vjeç, morën secili nga 16 muaj burg.
Mediat britanike shkruajnë se ferma në të cilën kultivohej kanabis u zbulua në Fieldhouse Walk, në muajin dhjetor të vitit 2023.
Oficerët e policisë gjetën pajisje me vlerë deri në 45,000 £, duke përfshirë llambat me fuqi të lartë, së bashku me shkop bejsbolli dhe hanxhar.
“Kemi të bëjmë me një fermë kanabisi e cila drejtohej nga një organizatë kriminale. Arritëm të parandalonim të nxirrnim në treg drogë me vlerën e 1 mln paundëve” tha sergenti Simon Green.
