Gazetari Klodian Tomorri ka komentuar thirrjen e ministres së Infrastrukturës Belinda Balluku në SPAK.
Tomorri tha se, në vitin 2022, me propozim dhe të firmosur nga vetë Edi Rama, inceneratorët u lanë jetim. Ai shton se “në prapaskenë ka ndodhur një përplasje brenda qeverisë, pasi Balluku nuk i donte inceneratorët ti kishte nën përgjegjësinë e saj, nga ana tjetër, Kumbaro nuk pranonte ti merrte as ajo, sepse të gjithë e kuptonin që ishte një patate e nxehtë”.
Tomorri shprehet se vendimi i marsit 2022 është një arsye që SPAK të thërrasë kryeministrin dhe sekretarin e tij të përgjithshëm, Engjell Agaçi i cili është mekanizmi që verifikon përputhshmërinë e ligjeve dhe duhet ti pyesë; ju e hoqët përgjegjësinë e fushës së mbetjes, por ku e dërguat?
“Belinda Balluku është emëruar në janar 2019 ministre. Nga janari 2019 deri në Mars 2022, askush nuk e ngriti alarmin se aty po paguheshin para, por nuk ishte vendosur asnjë tullë.
Në mars të vitit 2022 del një vendim i ri qeverie që ndryshon sërish fushën e përgjegjësisë së Ministrisë së Infrastrukturës dhe Energjisë. Unë e kam quajtur mirëfilltazi puç juridik, sepse është i tillë.
Kishte filluar të ziente çështja e inceneratorëve dhe duhej që faji të lihej jetim. Në vendimin e ri, Mars 2022, hiqet si fushë përgjegjësie mbetjet nga Ministrisë së Infrastrukturës dhe Energjisë. Por mirë që hiqet, por lihet jetim.
Ministria vijonte të mbetej autoritet kontraktor.
Ky është një vendimi i propozuar dhe i firmosur nga vetë Edi Rama. Dhe kjo është një arsye që SPAK të thërrasë kryeministrin dhe sekretarin e tij të përgjithshëm, Engjell Agaçi i cili është mekanizmi që verifikon përputhshmërinë e ligjeve dhe duhet ti pyesë; ju e hoqët përgjegjësinë e fushës së mbetjes, por ku e dërguat?
Për dy vite, deri në mars të vitit 2024, sektori i mbetjeve ka qenë jetim, askush nuk e ka pasur në përgjegjësi në kabinetin qeveritar.
Në 6 mars të këtij viti, qeveria nxjerr një vendim për të krijuar Agjencinë Kombëtare të Mbetjeve dhe nën përgjegjësinë e agjencisë vendos edhe se cilat janë detyrimet apo përgjegjësitë ligjore, mes të tjera monitorimin e projekteve në fushën e mbetjeve, mbikëqyrjen e tyre.
Tani kjo agjenci është në varësi të ministrisë së Turizmit.
Kjo është historia me letra.
Por çfarë ka ndodhur në prapaskenë. Në prapaskenë ka ndodhur një përplasje brenda qeverisë, sepse Balluku nuk i donte inceneratorët ti kishte nën përgjegjësinë e saj, sepse e kuptonte ndoshta kishte diçka.
Nga ana tjetër, Kumbaro nuk pranonte ti merret asaj ajo, sepse të gjithë e kuptonin që ishte një patate e nxehtë.
Gjatë kësaj kohe që nuk i merrte kush, kryeministri miraton vendimin për ti lënë jetim.
Për mua ky është puç juridik.
Të gjithë e kanë kuptuar se inceneratorët ishin një aferë që nuk mund ti bënte dot asnjë ministër. Madje as Rama nuk do ti bënte dot vetëm.
Aty kanë rënë shumë hallka të shtetit që është bërë e mundur të ndodhë ajo katrahurë që ka ndodhur, që paguheshin para për 1 apo 2, apo 5, tani jemi në vitin e 7 dhe atje nuk është vënë asnjë tullë.
Pra ky shtet i cili kishte në ligj të përcaktuar qartë se kush e mban përgjegjësinë për monitorimin, kishte në kontratë koncensionare të përcaktuar se kush ishte përgjegjës” – tha Tomorri në ‘Task Force’ në SYRI TV.
