Kryeministri Edi Rama ka zbuluar mesazhin që i ka dërguar kryebashkiakut Erion Veliaj, pasi ky i fundit sulmoi analistët pas daljes nga SPAK ku dëshmoi për aferën e inceneratorit të Tiranës.
Në intervistën për emisionin “Opinion”, Rama deklaroi se me Erion Veliajn i ka mesazhet, telefonatat dhe takimet e shkurtra, teksa theksoi edhe një herë se nuk mbron askënd të përfshirë në akte korruptive.
Kreu i Qeverisë bëri të ditur se Erion Veliajt i tha që kishte bërë gabim me deklaratën sulmuese ndaj gazetarëve, pasi sipas tij, aiersonalisht ka pasur shumë herë reagime ndaj mediave, por nuk ka sulmuar kurrë një me emër.
Rama duket se mashtroi edhe këtu pasi i ka harruar deklaratat nga “Ylli Kadriu, te Andi Kadriu, deri tek Qim Kadriu”.
Diskutimi
Blendi Fevziu: Ai ishte fjalimi juaj dhe adresimi juaj një mesazh për Erion Veliajn? Shumë media e kanë lexuar të tillë.
Kryeministri Edi Rama: Po çfarë janë këto mo. Po pse mo çfarë janë mediat?
Blendi Fevziu: Mediat këtë punë kanë të analizojnë mesazhet e tua.
Kryeministri Edi Rama: Mesazhet për Erion Veliajn unë i kam të thjeshta fare, i kam një tekst, një telefonatë, një takim. Që unë nuk mbroj…
Blendi Fevziu: Nuk mbron askënd? Ju thatë vetëm Zahon nuk lë të hidhet…
Kryeministri Edi Rama: More zotëri këtë e kam thënë 1000 herë dhe 1000 herë e kam përsëritur.. Unë jam ndryshe Fevzi, ky është thelbi, dhe ju nuk doni ta pranoni ok nuk doni ta pranoni. Jam ndryshe.
Blendi Fevziu: Si ndryshe?
Kryeministri Edi Rama: Jam ndryshe. Unë ato gjëra që them i mendoj. Nuk them një tjetër dhe mendoj..
Blendi Fevziu: Meqë kishe një mesazh të shkurtër apo vetëm një tekst apo telefon me Veliajn, a i the gjë për qëndrimin që ai mbajti duke akuzuar një sërë gazetarësh pasi doli nga SPAK?
Kryeministri Edi Rama: Po i thashë.
Blendi Fevziu: Çfarë i thatë?
Kryeministri Edi Rama: Gabim shumë i madh.
Blendi Fevziu: Pse?
Kryeministri Edi Rama: Sepse unë personalisht kam pasur shumë herë reagime ndaj mediave, por nuk kam sulmuar kurrë një me emër, një person, sepse sulmet ad ominan nuk janë sulme të denja për këdoqoftë që ka një funksion të lartë dhe që ka një raport që lidhet me rolin e tij institucional.
