Kreu i grupit Parlamentar të Partisë Demokratike, Gazment Bardhi dhe kryeministri Edi Rama kanë shkëmbyer sërish replika në distancë si pjesë e dosjes “Xibraka”, ku akuzohet vëllai i kreut të qeverisë, Olsi Rama si i implikuar në laboratorin e drogës.
Bardhi ka publikuar shkresat përmes të cilave thotë se provon që as gënjen e as nuk shpifje në lidhje me kallëzimin e bërë në SPAK ndaj Olsi Ramës për çështjen e ‘Xibrakës’.
Në një postim në Facebook, Bardhi tregon se Prokuroria e Posaçme e ka thirrur për të dëshmuar në lidhje me këtë çështje dhe implikimin e Olsi Ramës në laboratorin e drogës.
“Jam njoftuar se procedimi penal 335/1 është vendosur rifillimi i hetimeve të pezulluara duke u numërtuar procedimi 88 i vitit 2024 dhe në javët në vazhdim, në cilësinë e personit që ka dijeni jam ftuar për të dhënë shpjegime në prokurorinë e posaçme. Prandaj sikur i premtova Ramës se do ta merrte vesh shpejt, bashkë me atë do të marrin vesh edhe ata që hodhën baltë. Gazment Bardhi dorëzoi kallëzim në prokurori për të vendosur në lëvizje prokurorinë”, tha Bardhi.
Për këtë, ka reaguar kryeministri Edi Rama, i cili mes tjerash shkruan se drejtësia dhe SPAK vepron me ligje e prova dhe jo me llafe.
Sipas Ramës, pas dëshmisë së Gazment Bardhit, SPAK-u ka të gjithë mundësinë ta ndajë të vërtetën nga shpifja dhe viktimën nga fajtori.
“Llafet i merr era, ndërsa drejtësia vepron vetëm me ligje e me prova, prandaj tani pas llafeve të mëdha edhe një detaj i vogël mungon dhe pastaj jemi krejt në rregull! Pra mungon konfirmimi në dëshminë ligjore para SPAK-ut nga vetë B-ja i vogël me gojën e madhe, se kur ka shkruar “Informacion” në fakt kallëzuesi i rremë nuk ka dashur t’ia hedhë me procedurë rrezikut që vjen nga marrja si i pandehur për kallëzim të rremë, po thjesht ka pasur një moment lajthitje profesionale.Në rast se plotësohet kjo mungesë domethënëse për fatin e të vërtetës, atëherë SPAK-u ka të gjithë mundësinë ta ndajë të vërtetën nga shpifja dhe viktimën nga fajtori. Pra o B-ja e vogël ka zbuluar një trafikant droge në rrethin tim të ngushtë familjar dhe trafikantit duhet t’i hiqet menjëherë liria, o gojës së madhe i duhet vënë proteza e ligjit”, shkruan Rama.
Pasi kryeministri Edi Rama reagoi pas deklaratës së kreut të Grupit Parlamentar të PD-së Gamzent Bardhi për nisjen e hetimit të SPAK për rastin e Xibrakës dhe implikimin e Olsi Ramës në këtë çështje, ka ardhur edhe replika e Bardhit.
Bardhi ka thumbuar kryeministrin, teksa shkruan se duhet të nxjerrë Sekretarin e Kryeministrisë Engjëll Agaçin, pasi sipas tij, ka eksperiencë me çështjet e trafikantëve të drogës.
Ndërsa më tej ai i drejtohet me pyetjen Ramës: “ÇFARË E LIDH OLSIN ME MAKINËN AA 653 DM?”.
“Kur piktori bën si jurist! Vëllai i madh i Olsit paska marrë avokat shumë të dobët! Megjithatë lajm i mirë shumë që ka marrë avokat! Për këto çështjet e trafikantëve të drogës do t’i këshilloja ER të nxirrte Ë.Agaçin të flasë se ka eksperiencë në avokatinë e tyre. E ka bërë lëmsh dhe s’di çfarë shkruan, por në një pikë duket dora e tij: aty ku i jep urdhra SPAK-ut. Gabim i rëndë që, zakonisht, e bën sa herë ka një hall. Halli i ri i Ramës mban numrin 88, dosja e rinisjes së hetimeve nga SPAK për Olsi Ramën dhe kokainën e Xibrakës. Derisa ta thërresë SPAK-u për shpjegime, mund t’u kursejë shqiptarëve kohë dhe t’u thotë me fjalë piktori: ÇFARË E LIDH OLSIN ME MAKINËN AA 653 DM?”, shkruan Bardhi në Tëitter.
Lexo edhe:
Bardhi replikë Ramës: Nxirr Agaçin për Xibrakën, ai ka eksperiencë me trafikantët
‘Xibraka’/ Bardhi publikon dokumentet: Nisin hetimet për Olsi Ramën, SPAK më thirri të dëshmoj
Bardhi replikë Ramës: Nxirr Agaçin për Xibrakën, ai ka eksperiencë me trafikantët
