Kryeministri Edi Rama foli sot për rreth dy orë para ministrave dhe deputetëve të tij, ku ia u bëri të qartë se do t’i lëshojë të gjithë ata për në burg dhe pushtetin nuk e lëshon, duke mos mbajtur aspak përgjegjësi, edhe pse i emëron ai të korruptuarit në poste kyçe.
Por, gjatë fjalimit u duk se pati edhe dy mesazhe për kryebashkiakun e Tiranës, Erion Veliaj, i cili para disa ditësh u thirr në SPAK ku dëshmoi për rreth 7 orë lidhje me mega aferën e inceneratorit fantazëm.
Rama foli në përgjithësi për kryebashkiakun e korruptuar që fut duart në arkat e shtetit dhe xhepat e popullit, ku sipas tij, ai meriton vetëm përbuzje dhe është tradhtar. Indirekt ky mesazh dukej se i përcillej Veliajtm i cili është kryebashkiaku më i përfolur aktualisht për korrupsion.
“Ashtu sikur dikush që është zgjedhur në krye të një bashkie, nëse fut duart në arkat e këtij shteti dhe xhepat e këtij populli, nuk është me ne. Nuk ka se si të jetë ne dhe as se si të kërkojë gjë tjetër nga ne përveç përbuzjes. E thënë ndryshe, çdo anëtar i kësaj familjeje politike që bën korrupsionin në funksionet publike është një tradhtar i dyfishtë, jo vetëm i popullit shqiptar si çdo hajdut me kostum që merr çfarë nuk është e tij, por edhe i PS-së si çdo parazit që ushqehet me gjakun e trupit ku rritet”, u shpreh Rama.
Po ashtu, më tej, Rama foli edhe thirrje para drejtësisë, që dukej se po indirekt i referohej sërish Veliajt, teksa kreu i qeverisë ia bëri të qartë se nuk do mbrojë, por duhet të luftojë për të vërtetën.
“Unë nuk lëshoj vetëm djalin e vogël në ndonjë shkëmb mbi det kur do të hidhet. Por nuk mbaj asnjë burrë me para të vjedhura në karrige kur vjen ora të thirret. Jo po nuk kam bërë asgjë, po më bien në qafë. Nëse nuk ke bërë asgjë nuk të mbaj as unë as PS, por e vërteta. Prandaj lufto për të vërtetën tënde. Sepse kjo parti dhe kjo qeveri nuk bëjnë asnjë koment për çështjet që hap SPAK. Jo më avokatin e një drejtori, kryebashkiaku, ministri, deputeti apo ish ministri.” – tha Rama.
