Deputetja e Partisë Demokratike Jorida Tabaku ka deklaruar se ligji për taksimin e profesioneve të lira po përdoret për të joshur votuesit.
E ftuar në News 24, Tabaku tha se mazhoranca planifikon që ta rregullojë këtë ligj vitin tjetër, kohë që përkon me zgjedhjet parlamentare në vendin tonë.
Më tej, deputetja demokrate shton se qeveria ka bërë një tatim të padrejtë, dhe se ajo nuk e stimulon dhe motivon punën, por e takson.
“Ligji për taksimin e profesioneve të lira. Jam pro taksave, por ka paligjshmëri. Cënohet koncepti i këtyre bizneseve që janë të biznese të vegjël, profesionistë të lirë. Janë 29 mijë të tillë. Ata paguajnë tatim, por tani po iu kërkohet që të paguajnë ekstra. Janë të gjithë ata persona të profesioneve të lira. Ndërkohë ka premtime se taksa e profesioneve të lira po përdoret për t’u joshur për votën. Ata thonë se do e rregullojnë ligjin vitin tjetër, që përkon me zgjedhjet. Kam pasur shumë debate me zotin Braçe, se dua ta dalloj nga socialistët. Ai thotë se një punë nuk ka pse të jetë e patatuar.
Mund të jetë abuzuar me këto raste, siç mund të jetë me mjekët. Kjo është pjesë e gabimeve të qeverisë, që ka bërë taksim të padrejtë. Sot duhet të kishim një sistem që e motivonte dhe stimulonte punën dhe jo ta taksonte kaq shumë. Pse po largohen sot njerëzit? Largohen se ka padrejtësi”, tha Tabaku.
