Kryedemokrati Sali Berisha ka akuzuar kryebashkiakun e Tiranës, Erion Veliaj, se bashkë me drejtorët e bashkisë vodhën taksën e shkollësh dhe ndërtuar hotele me 5 yje në Durrës, Dhërmi dhe Potam.
Shtroni edhe njëherë pyetjen, si ka mundësi që Arben Ahmetaj ndiqet penalisht dhe shpallet i arrestuar në kërkim i cili ktheu mbrapsh 5 herë kërkesën e Erion Veliajt, garancinë e tij për financimin e vjedhjes së shekullit.
Kurse Erion Veliajt nuk thirret, Erion Veliajt nuk akuzohet njëherë të vetme për 5 kërkesat që i bëri Arben Ahmetajt, Shkëlqim Canit dhe qeveritarëve të tjerë, për mashtrimet që bëri, për detyrimet që kishte.
Këto ishin disa nga çështjet e vjedhjes së shekullit. Por të mëdha janë vjedhja 100 për qind të Erion Veliajt dhe drejtorëve të tij.
Vjedhjet e parave të taksapaguesve, vjedhjes e taksave tuaja, e taksës së shkollës me të cilat u ndërtuan hotelet me 5 yje në Durrës, Dhërmi, Potom dhe të tjera do të zbulohen përsëri.
Duke u ndalur te protesta e radhës para bashkisë së Tiranës, Berisha i bëri thirrje qytetarëve që ditën e martë të shpërthejnë zemërimin e tyre deri në qiell.
“Të martën, Zoti ju bekoftë. Zemërimi juaj në kufi gjer në qiell. Revolta juaj, fitorja e opozitës. Fitore, fitore, fitore”, tha Berisha.
