Kryetari i Partisë Demokratike, Sali Berisha ka akuzuar drejtuesin e SPAK, Altin Dumani se gjatë viteve 2020-2023 nuk ka bërë asnjë hetim për inceneratorët edhe pse kishte qindra denoncime.
‘Altin Dumani në vitet 2020-2023 nuk bëri asnjë hetim edhe pse kishte qindra denoncime për djegësin e Tiranës, Elbasanit dhe Fierit’, u shpreh Berisha gjatë tubimit qytetar në ‘Rrugën e Shpresës’.
Kreu i PD theksoi se kjo shërbeu si mburojë sipas tij ndaj qeverisë së inkriminuar.
Për të kuptuar se çfarë mburoje kriminale, se çfarë organizate të strukturuar kriminale përfaqëson Skapi i partisë me Altin Dumanin, shtroni pak pyetjen pse nga viti 2020 gjer në vitin 2023 me gjithëse ishin bërë qindra e qindra denoncime për djegësin Tiranës, Elbasanit dhe Fierit.
Ishin publikuar qindra e qindra dokumente ju o mbrojtës të krimit, avoketër të krimeve më të shëmtuara të qeverisë dhe qeverisë nuk bëtë asnjë veprim, asnjë kallëzim.- tha Berisha.
Berisha gjithashtu ka akuzuar drejtuesin e SPAK, Altin Dumanin se vjedh bashkë me Erion Veliajn dhe zbaton urdhrat e Edi Ramës.
Gjatë fjalës së tij në protestën maratonë në ‘Rrugën e Shpresës’, lideri i opozitës ngriti edhe pyetjen se ku kanë shkuar 60 milionë eurot e paguara nga mbetjet dhe inertet në landfillin e Sharrës, nga kompanitë ndërtuese.
Ju ftoj sonte të shtroni pyetjen me veten tuaj kur Komisioni i Kontrollit të Lartë të Shtetit, gjeti se tarifa 29 euro ishte një vjedhje e tmerrshme e qytetarëve të Tiranës sepse asnjë kilogramë mbetje nuk digjej, por depozitohej dhe duhej të ishte tarifa 11 euro.
A mund të na thotë Dumanë dhe Zamanë, janë paratë e tyre apo të shqiptarëve ato që vidhen, apo vjedhin dhe ata me Erion Veliajn.
Ju keni dëgjuar që paratë për djegësin i paguani qytetarët e Tiranës dhe qarkut të Tiranës, por përveç tyre kompania e Erion Veliajt merrte para për çdo ton dhe, inerte, që krijohej në qarkun e Tiranës dhe që me detyrimin e 4 policive nuk mund të shkonin kund tjetër, përveç se në minierën e tij në Sharrë.
Për çdo ton dhe paguhej 9 euro, për çdo ton zhavorr paguhej 11 euro. Por a e dini ju se ato nuk ekzistojnë asgjëkundi në kontratën me ndërmarrjen e djegësve.
Por sa janë ato thoni ju? Gjer tani janë 60 milionë euro.
Por për Dumanin dhe Zamanin kjo nuk ka rëndësi sepse ky kriminel e quan hetimin dhe akuzën si pronë të tij, pronë si skllav të Edi Ramës dhe jo shërbëtor i shtetit shqiptar.
Duman, ti mendon o i mjerë se ke mburojë. Ti mendon se do të mbrohesh ndaj këtyre krimeve të shëmtuar nga këto apo ato deklarata.
Të garantoj se vrimë miu nuk do të gjesh për paratë që u ke grabitë shqiptarëve. Ftoj dumanistë dhe mbështetësit e tij tu japin përgjigje këtyre pyetjeve dhe unë kërkoj publikisht njëherë dhe njëqind herë ndjesë.
Por përgjigja e tyre është vetëm një; Dumani vjedh, Dumani vjedh me Erion Veliajn dhe zbaton urdhrat e Edi Ramës.