Një efektivi i FNSH ka humbur ndjenjat, në protestën që po mbahet këtë pasdite te Bashkia e Tiranës, kundër kryebashkiakut Veliaj.
Polici ishte në shërbim gjatë protestës, teksa një moment nuk është ndjerë mire dhe ka rënë në tokë.
Ka qenë këshilltari i opozitës në këshillin bashkiak, dhe njëherazi mjeku Ilir Alimehmeti i cili i ka dhënë ndihmën e parë. Më pas efektivi i policisë është transportuar me ambulancë drejt spitalit për ndihmë mjekësore.
“Policë të pa ushqyer dhe të veshur keq humbin ndjenjat”, tha Tedi Blushi, duke vënë në pah keqtrajtimin e uniformave blu që me urdhër të Veliajt janë detyruar të rrinë gardh para Bashkisë prej orës 16:00, në temperatura të larta.
Blushi shtoi më tej se protestuesit e kanë betejën me Edi Ramën dhe Erion Veliajn.
