Gjykata e Tiranës ka liruar nga qelia 4 protestuesit e opozitës të cilën morën pjesë në tubimin e ditës së premte ku kërkuan dorëheqjen e kryebashkiakut Erion Veliaj pas aferës “5D”.
Sipas vendimit të Gjykatës, protestuesit e arrestuar janë lënë në “detyrim paraqitje” dhe u është ndaluar pjesëmarrje në tubime.
Të pranishëm në seancë ishin disa deputetë demokratë, ku gjatë një prononcimi për mediat Flamur Noka deklaroi se është e padëgjuar në 33 vite demokraci që Gjykata t’i ndalojë pjesëmarrjen në tubime qytetarëve.
“Pasi iu turrën duke i dhunuar dhe marrë peng prej kaq ditësh, vetëm se protestojnë kundër hajdutërisë, sot në shtetin e Ramës nëse proteston kundër hajdutëve je i paligjshëm, nëse vjedh ke bekimet e autoriteteve. Masa e marrë nuk është dëgjuar në 33 vite. U shpik një masë që nuk i lejohet të dilet në vende publike. Ndalohet e drejta e protestës, kemi të bëjmë me struktura të krimit të organizuar që janë turrur me çdo kusht të ndalojnë protestës. A gjykata policia apo shteti i Ramës nuk shpëton dot Veliajn apo ata që janë vjedhur, sepse do të përballen me opozitën. Veliaj do të kërrhet nga aty ku është sepse përfaqëson babëzinë.”, tha Noka.
