“Fshati digjet, ndërsa ambasadorët krihen’,- kështu i ka komentuar deputeti i Partisë Demokratike, Edmond Spaho, shqetësimet e shprehura nga ambasadorët lidhur me molotovët e hedhur te Bashkia e Tiranës, gjatë protestës së mbajtur paraditen e kësaj të premte..
Përmes një postimi në rrjete sociale, Spaho shkruan se ambasadorët u shqetësuan më tepër për stabilitetin e hajdutëve se sa për vjedhjet që i janë bërë popullit shqiptarë.
Ndër të tjera, Spaho ka kujtuar edhe protestën e dhunshme në Paris pas rritjes së cmimit të karburantit teksa shprehet se askush nuk foli dhe nuk akuzoi qytetarët francezë për veprime të cilat nuk i pranon rendi demokratik.
Ai shton se të gjithë ata që flasin kundër zemërimit të qytetarëve janë palaço te korruptuar.
Reagimi i Spahos:
Fshati digjet, ambasadoret krihen.
Stabiliteti i hajduteve eshte me i rendesishem se sa vjedhjet qe i behen popullit nga zyrtaret shqiptare.
Ne se keto vjedhje do kishin ndodhur ne Bruksel, Rome, Londer, Paris dhe zyrtaret te mos dorehiqeshin, keto qytete sot do ishin ne flake. Per 5 cent rritje te cmimit te karburantit Parisit ju vu flaka, u shkaterrua dhe u shpall gjendja e jashtezakonshme. Askush nuk foli dhe nuk akuzoi qytetaret franceze per veprime te cilat nuk i pranon rendi demokratik.
Po vjedhja dhe plackitja e qytetareve shqiptare demokratike eshte? Cfare te bejne qytetaret kur askush nuk leviz, madje vjedhja shumefishohet e sofistikohet si ne nje organizate kriminale?
Keta qe flasin kunder zemerimit te qytetareve, nuk jane jashte realitetit. Ata jane palaço te korruptuar qe ne Shqiperi kane gjetur parajsen dhe nuk duan te heqin dore nga perfitimet e jashteligjshme.
Njerez mos i degjoni. Asgje e dobishme nuk do ju vije nga ta. Vazhdoni rezistoni me te njejtat mjete, madje ta shtojme dozen e reagimit, qe te shpetojme vehten dhe Shqiperine nga hajduteria dhe ky takem ambasadoresh.
